ოტაფისთავის მღვიმე

ოტაფისთავის მღვიმე — კარსტული მღვიმე საქართველოში, აფხაზეთის ავტონომიურ რესპუბლიკაში, ოჩამჩირის მუნიციპალიტეტში. მდებარეობს სოფელ ოტაფის ტერიტორიაზე, ზღვის დონიდან 275 მ. გამომუშავებულია ზედაცარცულ შრეებრივ კირქვებში. ძირითადი დერეფნის საშუალო სიმაღლე 3,5 მ, სიგანე 4 მ, ჯამური სიგრძე 1050 მ. მღვიმეში გადის ნაკადული, რომელიც გზადაგზა აჩენს ტბებს. ამ ტბებში აქვს სათავე მდინარე ოტაფს. გვხვდება ნგრეული, მდინარეული და ორგანოგენური ნაფენები.

ოტაფისთავის მღვიმე
კოორდინატები: 42°55′19″ ჩ. გ. 41°32′19″ ა. გ.
ქვეყანა	საქართველო
ტერიტორიული ერთეული	ოჩამჩირის მუნიციპალიტეტი
აბსოლუტური სიმაღლე	275 მ
სიგრძე	1050 მ
ტიპი	კარსტული მღვიმე
ამგებელი ქანები	კირქვა

ლიტერატურა

• ტინტილოზოვი ზ., ქართული საბჭოთა ენციკლოპედია, ტ. 7, თბ., 1984. — გვ. 603.