ოლშტინის ტრამვაი

ოლშტინის ტრამვაი – ტრამვაის სისტემა პოლონეთის ქალაქ ოლშტინში. მოქმედებდა 1907-1965 წწ, 2015 წლის დეკემბერში ოლშტინში ტრამვაის სისტემა ხელახლა გაიხსნა.

ტრამვაის ვაგონები Solaris Tramino მერიის შენობასთან მონაკვეთზე Wysoka Brama და Centrum (2016)

სქემა: * იისფერი: ახალი ტრამვაის სისტემა (2015-დან), ** მწვანე: ძველი, ვიწროლიანდაგიანი ტრამვაის სისტემა (1907-1965), *** შავი: რკინიგზები

Solaris Tramino №3005 მე-3 მარშრუტის ცალლიანდაგიან მონაკვეთზე Juliana Tuwima-ის ქუჩაზე (2016)

ისტორია

1907–1939

ოლშტინში ტრამვაის ქსელის აშენება 1905 წელს გადაწყდა. 1907 წლის 15 დეკემბერს ამოქმედდა პირველი ხაზი, რომლის სიგრძე 2,3კმ-ს შეადგენდა.

1945–1965

1943 წელს ოლშტინში გაიხსნა ტროლეიბუსის პირველი ხაზი, რასაც მოყვა ტრამვაის ხაზების ტროლეიბუსებით ჩანაცვლება და 1965 წლის 20 ნოემბერს ტრამვაი მთლიანად გაუქმდა.

ახალი სისტემის მშენებლობა

ოლშტინში ტრამვაის აღდგენაზე მუშაობა 2006 წელს დაიწყო. ოლშტინელი ტრამვაის ფანების აქტიურობით და ქალაქის მერიასთან მათი თანამშრომლობით 2006 წლის 1 მაისს ქალაქის ცენტრში დაიდგა შეკეთებული ისტორიული ტრამვაის ვაგონი. ამავე წელს ქალაქის მერიის გადაწყვეტილებით დაიგეგმა 10,5კმ სიგრძის ტრამვაის ხაზის მშენებლობა, რომელიც 2010 წელს უნდა დასრულებულიყო. 2015 წლის ოქტომბერ-ნოემბრის მიჯნაზე ქსელის მშენებლობა უკვე დასრულებული იყო. 6 დეკემბერს ჩატარდა ღია კარის დღე და ტრამვაის ვაგონმა პირველად გადაიყვანა მგზავრები, სპეციალური სვლით. 19 დეკემბერს გაიხსნა №1 მარშრუტი, 27 დეკემბერს_№2, ხოლო 31 დეკემბერს_№3.

მოძრავი შემადგენლობა

2017 წლის მდგომარეობით ოლშტინში ექსპლუატაციაშია Solaris Tramino S111o მარკის 15 ტრამვაის ვაგონი.

ლიტერატურა

• Andrzej Bobrowicz: Olsztyn. In: Tramwaje w Polsce. 1. Auflage. Księży Młyn Dom Wydawniczy, Łódź 2013, ISBN 978-83-7729-215-0, S. 166–170.

რესურსები ინტერნეტში

• პროექტის ოფიციალური ვებგვერდი „ოლშტინის ინტეგრირებული სატრანსპორტო სისტემის მოდერნიზაცია და განვითარება“
• ფოტოგალერეა „ოლშტინი ადრე და ახლა“, რომელიც შეიცავს ტრამვაის ფოტოებს
• ოლშტინის ტრამვაის მოძრავი შემადგენლობის მონაცემთა ბაზა და ფოტოები
• ოლშტინის ტრამვაის სქემა