ნოდარ გრიგალაშვილი

ნოდარ გრიგალაშვილი (დ. 3 მაისი, 1958, სოფ. ყვიბისი, ახლანდ. ბორჯომის მუნიციპალიტეტი — გ. 31 მარტი, 2014) — ქართველი მწერალი, პოლიტიკოსი, ფილოლოგი.

ნოდარ გრიგალაშვილი
დაბადების თარიღი	3 მაისი, 1958
დაბადების ადგილი	ყვიბისი, ბორჯომის რაიონი, საქართველოს სსრ, სსრკ
გარდაცვალების თარიღი	31 მარტი, 2014 (55 წლის)
მოქალაქეობა	სსრკ →  საქართველო
განათლება	თბილისის სახელმწიფო უნივერსიტეტი
ეროვნება	ქართველი

1980 წელს დაამთავრა თბილისის სახელმწიფო უნივერსიტეტის ფილოლოგიის ფაკაკულტეტი. 1981-1987 წლებში ეწეოდა პედაგოგიურ საქმიანობას. გრიგალაშვილი იყო თბილისის სახელმწიფო უნივერსიტეტის ქართული ენისა და ლიტერატურის კათედრის ასისტენტი. 1981 წელს მესტიის სკოლა-ინტერნატის ქართული ენისა და ლიტერატურის მასწავლებელი. 1981-1987 წლებში თბილისის სახელმწიფო უნივერსიტეტისა და I საშუალო სკოლის პედაგოგი. 1984-1988 წლებში ალმანახ „კრიტიკის“ განყოფილების გამგე. 1987-1990 წლებში გამომცემლობის მთავარი რედაქტორი. 1990-1998 წლებში გაზეთ „საქართველოს“ მთავარი რედაქტორი. 1998 წლიდან „ახალი საქართველოს“ მთავარი რედაქტორი. ჟურნალ „ცისკრის“ სარედაქციო საბჭოს თავმჯდომარე. 1999-2004 წლებში იყო საქართველოს მე-5 მოწვევის პარლამენტის წევრი (ბორჯომის მაჟორიტარი), საარჩევნო ბლოკიდან „საქართველოს ლეიბორისტული (შრომის) პარტია“. 2004-2008 წლებში — საქართველოს მე-6 მოწვევის პარლამენტის წევრი (ბორჯომის მაჟორიტარი), საარჩევნო ბლოკიდან „სააკაშვილი — ნაციონალური მოძრაობა“.

რესურსები ინტერნეტში

• ნოდარ გრიგალაშვილი — საქართველოს ბიოგრაფიული ლექსიკონი
• ნოდარ გრიგალაშვილი — საქართველოს პარლამენტის ოფიციალური საიტი (მოძველებული / არქივი / ახალი არქივი)