ნიკოლოზ ზანდუკელი (ოფიცერი)

ნიკოლოზ ოთარის ძე ზანდუკელი (დ. უცნობია — გ. 19 თებერვალი, 1921) — ქართველი ოფიცერი. 1921 წლის რუსეთ-საქართველოს ომის გმირი.

დუშეთის მაზრის აზნაურთა ოჯახიდან. ექიმ მიხეილ ზანდუკელის ძმა. დაამთავრა თბილისის პრაპორშჩიკთა 1-ლი სკოლა (1915). I მსოფლიო ომის წლებში მსახურობდა მე-3 საზღვაო პოლკში. 1918 წლიდან იყო საქართველოს რესპუბლიკის ჯარში, ჰქონდა კაპიტნის წოდება. 1921 წელს კოჯორ-ტაბახმელის ფრონტზე საბჭოთა რუსეთის წითელ არმიასთან დაპირისპირების დროს მეთაურობდა საარტილერიო ასეულს. დაიღუპა ბრძოლაში. დაკრძალეს საძმო სასაფლაოზე თბილისის სამხედრო ტაძრის ეზოში (საბჭოთა პერიოდში ტაძრის დანგრევის შემდეგ საფლავი დაკარგულია).

ლიტერატურა

• გაზ. „ერთობა“, - № 41. - 1921.

რესურსები ინტერნეტში

• Зандукели Николай Лотаревич. «Офицеры русской императорской армии». ნანახია 31 აგვისტო, 2020.