ნერა (ინდიგირკის შენაკადი)
ნერა[1] (რუს. Нера) — მდინარე რუსეთში, იაკუტიაში (სახაში), ინდიგირკის მარჯვენა შენაკადი. წარმოიქმნება მდინარეების დელიანკირისა და ხუნჯახის შეერთებით. სიგრძე 106 კმ, მდ. დელიანკირის უდიდესი შემდგენლის ჩათვლით — 331 კმ, აუზის ფართობი 24 500 კმ². მიედინება ნერის ზეგანზე. იკვებება შერეულად, ჭარბობს წვიმის წყლები. წყალდიდობა იცის მაისიდან აგვისტომდე. წყლის საშუალო ხარჯი შესართავიდან 65 კმ-ში 119 მ³/წმ-ია. იყინება ოქტომბერში, დეკემბერ-იანვრიდან აპრილამდე მთლიანად გაყინულია; ლღვება მაისში – ივნისის დასაწყისში. ხეობაში გადის უსტ-ნერა – მაგადანის გზა.[2]
| ნერა რუს. Нера | |
|---|---|
 | |
| ქვეყანა |
 რუსეთი |
| ტერიტორიული ერთეულები | სახა (იაკუტია |
| სათავე |
მდ. დელიანკირისა და ხუნჯახის შეერთება 63°47′21″ ჩ. გ. 145°38′37″ ა. გ. / 63.78917° ჩ. გ. 145.64361° ა. გ. |
| შესართავი |
ინდიგირკა 64°35′55″ ჩ. გ. 143°15′35″ ა. გ. / 64.59861° ჩ. გ. 143.25972° ა. გ. |
| სიგრძე | 106 კმ |
| აუზის ფართობი | 24 500 კმ² |
| მდინარის სისტემა | ინდიგირკა → აღმოსავლეთ ციმბირის ზღვა |
| წყლის ხარჯი (საშ.) | 119 მ³/წმ |
    — სათავე,  — შესართავი | |
 ნერა ვიკისაწყობში | |
სქოლიო რედაქტირება
- ↑ საბჭოთა კავშირის გეოგრაფიული სახელების ორთოგრაფიული ლექსიკონი, თბ., 1987. — გვ. 143.
- ↑ Нера // Большая советская энциклопедия. — 3-е изд., т. 17 — М., 1974.