ნელი ალექსიძე
ნელი ალექსანდრეს ასული ალექსიძე (დ. 12 დეკემბერი, 1921, თბილისი — გ. 6 დეკემბერი, 2012) — ქართველი მოქანდაკე, საქართველოს სსრ დამსახურებული მხატვარი (1967). პოეტ მარიჯანის (მარიამ ტყემალაძე-ალექსიძის) შვილი.
ბიოგრაფია
რედაქტირება1949 წელს დაამთავრა თბილისის სამხატვრო აკადემია, უმთავრესად მუშაობდა დაზგური ქანდაკების დარგში. ალექსიძის ძერწვის რეალისტური მანერა სადა და გამომსახველია. მისი მნიშვნელოვანი ნამუშევრებია: „ცეკვა ქართული“ (1951, თაბაშირი); „მოცეკვავე ქალი დაირით“ (1953, ფაიანსი); აკადემიკოს ნ. ყიფშიძის პორტრეტი (1952, მარმარილო) ყველა საქართველოს ხელოვნების სახელმწიფო მუზეუმი; აკადემიკოს ნ. ყიფშიძის პორტრეტი (ბრინჯაო) თბილისის რესპუბლიკურ საავადმყოფოს ეზოში; „მედიცინის და“ (1964, თაბაშირი); გენერალ-მაიორი ე. კობერიძის პორტრეტი (1965, მარმარილო; ორივე საქართველოს სახელმწიფო გალერეა); ი. გრიშაშვილის პორტრეტი (1966, ბრინჯაო მთაწმინდის პანთეონი); ი. ალექსიზე, ვ. ჭაბუკიანი, ვ. წიგნაძე და ზ. კიკალეიშვილი, ბალეტი „გორდა" (ბრინჯაო); კ. ვირსალაძის, ლ. გეგელიას, მ. მახარაძის პორტრეტები (ტერაკოტა, კერძო მფლობელობაში); შადრევანი „სამაია" (თანაავტორები გ. ქართველიშვილი, თ. ჭყონია) (60-იან წწ, ბრინჯაო) თბილისში, ვერაზე და გაგრაში, ავტოსადგურის ტერიტორიაზე, და სხვა. [წყარო არ არის მითითებული 1082 დღე]
ამავე დროს (1951-1980 წწ) ეწეოდა პედაგოგიურ მოღვაწეობას იაკობ ნიკოლაძის სახელობის სამხატვრო სასწავლებელსა და თბილისის სახელმწიფო სამხატვრო აკადემიაში. [წყარო არ არის მითითებული 1082 დღე]
ლიტერატურა
რედაქტირება- ქართული საბჭოთა ენციკლოპედია, ტ. 1, თბ., 1975. — გვ. 303.