ნევადო-დელ-ტოლიმა
ნევადო-დელ-ტოლიმა, ტოლიმა (ესპ. Nevado del Tolima) — მოქმედი ვულკანი კოლუმბიაში, ტოლიმის დეპარტამენტში. სიმაღლე ზღვის დონიდან 5276 მ. მდებარეობს ცენტრალურ კორდილიერებში, ვულკან ნევადო-დელ-რუისის სამხრეთით. წარმოადგენს ზედა პლეისტოცენურ სტრატოვულკანს.
| ნევადო-დელ-ტოლიმა | |
|---|---|
.jpg)
| |
| კოორდინატები: 04°39′30″ ჩ. გ. 75°19′46″ დ. გ. / 4.65833° ჩ. გ. 75.32944° დ. გ. | |
| ქვეყანა |  კოლუმბია
|
| ტერიტორიული ერთეული | ტოლიმის დეპარტამენტი |
| სიმაღლე | 5276 მ |
| ქედი | ცენტრალური კორდილიერები |
| ბოლო ამოფრქვევა | მარტი, 1943 |
  | |
აგებულია ანდეზიტებითა და დაციტებით. გაწოლილია ეოცენური ასაკის ელ-ბოსკეს ბათოლითზე, რომელიც დათარიღებულია 49.1 ± 1.7 Ma-ით. ჩამოყალიბდა უკანასკნელი 40 000 წლის განმავლობაში. წარმოდგენილია 3 კმ სიგანის ზედა პლეისტოცენური კალდერითა და ზედა პლეისტოცენურ-ჰოლოცენური ლავური გუმბათებით. მწვერვალზეა 200–300 მ სიღრმის ძაბრისებრი ვულკანური კრატერი. უკანასკნელი ძლიერი ამოფრქვევა მოხდა 3600 წლის წინ. აქტიური იყო 1943 წელს.
ვულკანის უმაღლესი ნაწილი თოვლითაა შემოსილი. განვითარებულია ჰიდროგრაფიული ქსელი. მოქცეულია ლოს-ნევადოსის ეროვნული ბუნებრივი პარკის ტერიტორიაზე.
იხილეთ აგრეთვე
რედაქტირებარესურსები ინტერნეტში
რედაქტირება- ნევადო-დელ-ტოლიმა — სტატია ენციკლოპედია ბრიტანიკიდან (ინგლისური)
- ნევადო-დელ-ტოლიმა — სტატია გლობალური ვულკანიზმის პროგრამიდან