ნაჰანის ეროვნული პარკი
ნაჰანის ეროვნული პარკი (ინგლ. Nahanni National Park) — ეროვნული პარკი კანადაში, ჩრდილო-დასავლეთ ტერიტორიების დეჰჩოს რეგიონში, მდებარეობს ქალაქ იელოუნაიფიდან დაახლოებით 500 კმ-ით დასავლეთით, მაკენზის მთების ბუნებრივ რეგიონში. პარკში გაედინება მდინარე საუთ-ნაჰანი, რომლის გასწვრივაც მდებარეობს დაახლოებით 1 კმ სიღრმის[1] ოთხი კანიონი, რომელთა სახელებია პირველი, მეორე, მესამე და მეოთხე. მდინარეზე ასევე წარმოიქმნება ჩანჩქერი ვირჯინია, რომელიც ორჯერ მაღალია ნიაგარას ჩანჩქერზე (90 მ). პარკი შეიქმნა 1976 წელს. სახელწოდება მომდინარეობს ადგილობრივთა დენეს ენიდან, სადაც Nahʔa Dehé ნიშნავს „ნაჰას ხალხის მიწის მდინარეს“.[2]
| ნაჰანის ეროვნული პარკი* | |
|---|---|
| იუნესკოს მსოფლიო მემკვიდრეობის ძეგლი | |
| |
| ჩანჩქერი ვირჯინია | |
| ქვეყანა |  კანადა
|
| ტიპი | ბუნებრივი |
| კრიტერიუმები | vii, viii |
| სია | [1] |
| რეგიონი** | ევროპა და ჩრდილოეთ ამერიკა |
| კოორდინატები | 61°05′00″ ჩ. გ. 123°36′00″ დ. გ. / 61.08333° ჩ. გ. 123.60000° დ. გ. |
| გაწევრიანების ისტორია | |
| გაწევრიანება | 1978 (მე-2 სესია) |
| ნომერი | 24 |
| * იხ. ინგლ. სახელი UNESCO-ს სიაში. ** იუნესკოს მიერ კლასიფიცირებული რეგიონი. | |
პარკში გვხვდება გოგირდოვანი წყაროები, ტუნდრა და შერეული წიწვოვანი-ალვის ხეების ტყეები. მრავლადაა ტუფი. 2009 წლის 9 ივნისს, კანადის მთავრობამ გამოაცხადა პარკის ტერიტორიის ექვსჯერ გაზრდის შესახებ, რომლის სამომავლო ფართობიც 30 000 კმ²-ს მიაღწევს. ახალ ტერიტორიებში ბინადრობს დაახლოებით 500 ერთეული გრიზლი, ტყის კარიბუს ორი სახეობა, ასევე ალპური ცხვრისა და თხის რამდენიმე სახეობა.
1978 წლიდან პარკი შესულია იუნესკოს მსოფლიო მემკვიდრეობის ძეგლთა სიაში.
იხილეთ აგრეთვე
რედაქტირებარესურსები ინტერნეტში
რედაქტირება- Parks Canada დაარქივებული 2004-12-10 საიტზე Wayback Machine.
- South Nahanni River დაარქივებული 2006-10-08 საიტზე Wayback Machine.
- Canadian Parks and Wilderness Society - Nahanni campaign დაარქივებული 2007-07-15 საიტზე Wayback Machine.
- UNEP-WCMC World Heritage site datasheet, Nahanni National Park Reserve დაარქივებული 2008-07-18 საიტზე Wayback Machine.
- Northwest Territories Tourism- Nahanni National Park Reserve information დაარქივებული 2013-06-05 საიტზე Wayback Machine.
სქოლიო
რედაქტირება
|
მსოფლიო მემკვიდრეობა UNESCO, ობიექტი № 24 ინგლ. • რუს. • ფრ. |