ნახევარვაგონი
ნახევარვაგონი — რკინიგზის მაღალბორტიანი ღია სატვირთო ვაგონი. იყენებენ მადნის, ნახშირის, ფლუსების, ხე-ტყის, კონტეინერების, ავტომანქანებისა და სხვათა გადასაზიდად. ზოგიერთი ყრუძირიანია, ზოგს კი ძროსა და ბორტებში გასაცლელი ლიუკები აქვს. თვითსაცლელ ნახევარვაგონს იმის მიხედვით, თუ როგორია მისი კონსტრუქცია, უწოდებენ ჰოპერს, დუმკარს ან ტრანსფერკარს. ნახევარვაგონი არის 4-, 6- და 8-ღერძიანი (ტვირთამწეობა შესაბამისად — 62, 95 და 126 ტონა).
![](http://upload.wikimedia.org/wikipedia/commons/thumb/3/32/%D0%9F%D0%BE%D0%BB%D1%83%D0%B2%D0%B0%D0%B3%D0%BE%D0%BD_581.jpg/300px-%D0%9F%D0%BE%D0%BB%D1%83%D0%B2%D0%B0%D0%B3%D0%BE%D0%BD_581.jpg)
ლიტერატურა
რედაქტირება- ქართული საბჭოთა ენციკლოპედია, ტ. 7, თბ., 1984. — გვ. 347.