მძუნაობა
მძუნაობა, ხურაობა, ესტრუსი (ბერძ. οἶστρος — „ვნება“, „ცოფიანობა“, „მძვინვარება“)[1] — სასქესო ციკლის სტადია, დედალი ძუძუმწოვრის სქესობრივი აქტივობის პერიოდი. იგი გარკვეული ინტერვალით პერიოდულად მეორდება თითოეული სახეობისათვის. ამ დროს იღვიძებს დაწყვილების ინსტიქტი და ადგილი აქვს ოვულაციას. პოლიესტრულ (პოლი... და οἶστρος) ცხოველებში ხურაობა პერიოდულია მთელი წლის განმავლობაში (მაგ., თაგვი და ვირთაგვა 4–6 დღე-ღამეში, ძროხა — 21 დღე-ღამეში ერთხელ), მონოესტრულებში (მონო... და οἶστρος) — წელიწადში ერთ- ან ორჯერ (მაგ., ძაღლი, მელა).[2][3] ხურაობის დროს თავს იჩენს საშოსა და საშვილოსნოს მორფოლოგიური ცვლილებები, რაც განსაკუთრებით მკვეთრად მღრღნელებში გამოიხატება.[3]
სქოლიო რედაქტირება
- ↑ ТЕЧКА // Большая российская энциклопедия. т. 32. — М., 2016. — стр. 114.
- ↑ ქართული საბჭოთა ენციკლოპედია, ტ. 11, თბ., 1987. — გვ. 517.
- ↑ 3.0 3.1 ქართული საბჭოთა ენციკლოპედია, ტ. 7, თბ., 1984. — გვ. 261.