მონტენეგროს ეკონომიკა

მონტენეგროს ეკონომიკა — ძირითადად მომსახურებაზე დაფუძნებული გარდამავალი პერიოდის ეკონომიკა. ბალკანეთის ნახევარკუნძულის პატარა ქვეყნის ეკონომიკა ცდილობს თავი დააღწიოს იუგოსლავიის ომებით გამოწვეულ უარყოფით შედეგებს. იუგოსლავიის დაშლის შემდეგ მონტენეგროს ეკონომიკამ დაღმასვლა განიცადა.

მონტენეგროს ცენტრალური ბანკი

დამოუკიდებლობის გამოცხადების შემდეგ მონტენეგრომ მიზნად დაისახა გამხდარიყო ელიტარული ტურიზმის ადგილად და გაწევრიანებული ევროპის კავშირში. ტურიზმის განვითარების მიზნით განხორციელდა მნიშვნელოვანი ინფრასტრუქტურული პროექტები, მთავრობა მუშაობს უცხოური ინვესტიციების მოზიდვაზე.

მონტენეგროში 2006–2007 წლებში უძრავი ქონების ბაზრის ბუმი იყო, რადგან მდიდარი რუსები და ბრიტანელები მის სანაპირო ზოლში სახლებს აქტიურად ყიდულობდნენ. მონტენეგრომ 2008 წელს შეძლო ევროპის მასშტაბით ყველაზე დიდი რაოდენობით ინვესტიციების მოზიდვა.

2012 წელს მონტენეგრომ მოახდინა 182,3 მილიონი ევროს ღირებულების საქონლის ექსპორტი (ძირითადად მეტალი). მისი ექსპორტის უმსხვილესი სავაჭრო პარტნიორებია: ხორვატია (47,2 მილიონი €), სერბეთი (36,8), ბოსნია და ჰერცეგოვინა და უნგრეთი (12,7). იმპორტმა შეადგინა 864,9 მილიონი ევრო (ძირითადად საკვები, ბენზინი და ელექტრონიკა). უმსხვილესი იმპორტიორები არიან: სერბეთი (249,2 მილიონი €), საბერძნეთი (73), ბოსნია და ჰერცეგოვინა (59,8).

იხილეთ აგრეთვე

• მონტენეგროს ისტორია
• ევროპის ეკონომიკა

რესურსები ინტერნეტში

ვიკისაწყობში არის გვერდი თემაზე:

მონტენეგროს ეკონომიკა

• Montenegro Economy and Financial News
• The Njegoskij Fund Public Project >> Country Profile on Montenegro დაარქივებული 2007-01-04 საიტზე Wayback Machine.
• CIA World Factbook - Montenegro დაარქივებული 2020-05-05 საიტზე Wayback Machine.
• A New Playground for the Rich