მიხეილ ბუხაიძის ქუჩა

მიხეილ ბუხაიძის ქუჩა — ქუჩა თბილისში, ჩუღურეთის რაიონში (ჩუღურეთი); მაქსიმ გორკის ქუჩიდან სამრეკლოს ქუჩამდე. წარმოიქმნა XIX საუკუნის 70-იან წლებში. თბილისის 1876 წლის გეგმაზე დატანილია როგორც ჩუღურეთის ქუჩა, 1934 წლის გეგმაზე — როგორც არსენალის გზატკეცილი. მიხეილ ბუხაიძის სახელი ეწოდა 1965 წელს. აქვს 1 შესახვევი. (თბილისის 1934 წლის გეგმაზე დატანილია როგორც არსენალის შესახვევი, შემდეგ ჩუღურეთის I შესახვევი ერქვა). მიმდინარეობს ქუჩის რეკონსტრუქცია.

მიხეილ ბუხაიძის ქუჩა
მ. ბუხაიძის ქ. №7
საერთო ინფორმაცია
ქვეყანა	საქართველო
ქალაქი	თბილისი
რაიონი	ჩუღურეთის რაიონი
წინა სახელები	ჩუღურეთის ქუჩა, არსენალის გზატკეცილი

მიხეილ ბუხაიძის II შესახვევი

მიხეილ ბუხაიძის II შესახვევი — შესახვევი თბილისში, ჩუღურეთის რაიონში (ჩუღურეთი); წმინდა ნიკოლოზის ქუჩიდან დოქის შესახვევამდე. წარმოიქმნა XIX საუკუნეში. თბილისის 1934 წლის გეგმაზე დატანილია როგორც ჩუღურეთის შესახვევი, შემდეგ ჩუღურეთის II შესახვევი ერქვა.

ლიტერატურა

• ენციკლოპედია „თბილისი. ქუჩები, გამზირები, მოედნები“, თბ., 2008. — გვ. 37, ISBN 978-99928-20-35-3.