მთის ბარისპირა

მთის ბარისპირა (Stachys grandiflora; სინ. დიდყვავილა ბარისპირა Stachys macrantha) — მრავალწლიანი ბალახოვანი მცენარეა, სწორმდგომი, 25 —70 სმ-მდე სიმაღლისა. ფესვთანური ფოთლები კვერცხისებრია ან სამკუთხა გულისებრი. ყვავილები ორტუჩაა, დიდი ზომის 3-3,5 სმ-მდე სიგრძის, მეწამული.

ბარისპირა დიდყვავილა
Betonica macrantha
მეცნიერული კლასიფიკაცია
სამეფო:  მცენარეები
ლათინური სახელი
Betonica macrantha

იზრდება სუბალპურ და ალპურ სარტყელებში 3000 მ-მდე ზღვის დონიდან, მდელოებს, ტყის პირებსა და მაღალბალახეულში. გავრცელებულია ჩრდილო-აღმოსავლეთ თურქეთში, კავკასიასა და ჩრდილო-დასავლეთ ირანში.

ლიტერატურა

• დ. მცხვეთაძე ბორჯომ-ხარაგოულის ეროვნული პარკის თაიგული, თბ. 2001
• Die große Pflanzen-Ezyklopädie, Bd. 2., გვ. 1002