მერედით მონრო
მერედით ლი მონრო (ინგლ. Meredith Leigh Monroe; დ. 30 დეკემბერი, 1969) — ამერიკელი მსახიობი, რომელიც ცნობილია ენდი მაკფეის როლით ამერიკულ თინეიჯერულ დრამაში – „Dawson's Creek“ (1998-დან 2003 წლამდე), ჰეილი ჰოჩნერის როლით „კრიმინალურ აზროვნებაში“ და ქეროლინ სტენდალის როლით სერიალში – „13 Reasons why“.
| მერედით ლი მონრო | |
|---|---|
| მშობლიური სახელი | Meredith Leigh Monroe |
| დაბადების თარიღი |
30 დეკემბერი, 1969 ჰიუსტონი, ტეხასი |
| მოქალაქეობა |
 აშშ |
| საქმიანობა | მოდელი, მსახიობი |
| აქტიური | 1996-დან დღემდე |
ცხოვრება და კარიერა რედაქტირება
მონრო დაიბადა 1969 წლის 30 დეკემბერს ჰიუსტონში, ტეხასის შტატში. [1] [2] როდესაც ის ორი წლის იყო, მისი მშობლები განქორწინდნენ. შემდგომში ის იზრდებოდა ჰინსდეილში, ილინოისში. [2] ის სწავლობდა ჰინსდეილის ცენტრალურ საშუალო სკოლაში და სკოლის დამთავრების შემდეგ გადავიდა ნიუ-იორკში, სამოდელო კარიერის გასაგრძელებლად. [2] 1995 წელს იგი გამოჩნდა უამრავ სატელევიზიო და ჟურნალის რეკლამაში, როგორებიცაა: L'Oreal-ის თმის მოვლის, Disney Resort-ის, Huffy-ის ველოსიპედების, ფორდის მანქანებისა და Mattel-ის სათამაშოების რეკლამები. [2]
1996 წელს, მას შემდეგ რაც მერედითს გადასცეს ტრეისი დალკენის როლი ABC-ს სერიალში „Dangerous Minds“, მონრომ სამსახიობო კარიერაზე გადაინაცვლა. მალევე მან მიიღო ორსული მოზარდის, რეიჩელის, როლი სერიალში – „Sunset Beach“. შეიძლება ითქვას, რომ ამან განაპირობა ენდის როლიც „Dawson's Creek-ში“.
იგი ასევე ცნობილია თავისი როლით „კრიმინალურ აზროვნებაში“, როგორც ჰეილი ჰოჩნერი, აარონ ჰოჩნერის ცოლი. მონრომ სერიალი დატოვა მას შემდეგ, რაც მისი პერსონაჟი მოკლა ბოროტმოქმედმა, ბოსტონ რეპერმა, მე-100 ეპიზოდში. 2018 წელს ის გამოჩნდა სერიალში – „13 Reasons Why“, კერძოდ მეორე სეზონში, როგორც კაროლინი, ალექს სტენდალის დედა. [3]
ფილმოგრაფია რედაქტირება
| წელიწადი | სათაური | როლი |
|---|---|---|
| 1997 წ | ნორვილი და ტრუდი | ტრუდი კოკენლოკერი |
| კუნძულის ძლიერი ბიჭები | ამინდის გოგონა | |
| 1998 წ | დაცემული თაღები | კარისა |
| 2002 წ | წელიწადი, რომელიც ცახცახებდა | ჯუდი ვუდსი |
| ახალი საუკეთესო მეგობარი | ჰედლი ეშტონი | |
| უმცირესობის ანგარიში | საჯარო სამსახურის გამომცხადებელი | |
| სრული გასეირნება | ემი ლირი | |
| 2003 წ | კაცობრიობა | კლერი |
| 2004 წ | ჩრდილის კაცი | ქალბატონო მაკკენა |
| 2005 წ | ვამპირები: შემობრუნება | ამანდა |
| 2008 წ | შავი ნახევარმთვარე | სუზი ბიკონი |
| 2009 წ | Გამოღვიძება | ფედრა |
| არსად დასამალი | სარა კრეინი | |
| 2011 წელი | The Lift | მერი ლინდსი |
| ტრანსფორმერები: მთვარის ბნელი მხარე | ინჟინერის ცოლი | |
| დაიბადე ცუდი | კეტრინ დუნკანი | |
| 2013 წელი | საიდუმლო კავშირი | სამანტა სიმსი |
| 2016 წელი | მეჩვიდმეტე ზღვარი | გრირ ბრუნერი |
რესურსები ინტერნეტში რედაქტირება
სქოლიო რედაქტირება
- ↑ "Meredith Monroe."
- ↑ 2.0 2.1 2.2 2.3 (1999) They Don't Wanna Wait: The Stars of Dawson's Creek. ECW Press, გვ. 33–36. ISBN 978-1-55022-389-7.
- ↑ Petski, Denise (2017-08-10). „‘13 Reasons Why’: Jake Weber, Brenda Strong, Meredith Monroe & RJ Brown Join Season 2 Cast“. Deadline (ინგლისური). ციტირების თარიღი: 2018-05-19.