მენიჩბე ბაღლინჯოები
მენიჩბე ბაღლინჯოები, მენიჩბეები (ლათ. Corixidae) — მწერების ოჯახი ნახევრადხეშეშფრთიანთა რიგისა. აქვთ წაგრძელებული სხეული, სიგრძით 1,5–16 (ჩვეულებრივ 5–6) მმ.[1] წინა ფეხების წვივები დამოკლებულია, თათები კოვზისებური.[2] უკანა ფეხები საცურაოა. ცნობილია 600-მდე სახეობა. გვხვდებიან პრაქტიკულად ყველა მდგარ ან სუსტად გამდინარე მტკნარ, იშვიათად — მარილიან წყალსატევებში. კარგად ცურავენ და ფრენენ. იკვებებიან წყლის მცენარეულობითა და წვრილი უხერხემლოებით;[1] ფხეკენ მცენარის ზედა ქსოვილებს და მთლიანად წუწნიან წყალმცენარის ძაფებს, დეტრიტის ნაწილაკებს ან შლამს. მამლებს ზედა ტუჩის ნაჭდევზე თათის გადასმით ჭრიჭინი შეუძლიათ.[2] ხშირად აღწევენ მაღალ რიცხოვნობას;[1] ამ დროს წყლიდან მათი ხმის გაგება შესაძლებელია.[2] ყველაზე ჩვეული გვარებია Sigara და Corixa.[1]
| მენიჩბე ბაღლინჯოები | |||||||||||||||
|---|---|---|---|---|---|---|---|---|---|---|---|---|---|---|---|
 Hesperocorixa castanea | |||||||||||||||
| მეცნიერული კლასიფიკაცია | |||||||||||||||
| |||||||||||||||
| ლათინური სახელი | |||||||||||||||
| Corixidae (Leach, 1815) | |||||||||||||||
| |||||||||||||||
