მაუნო კოივისტო
მაუნო კოივისტო (ფინ. Mauno Henrik Koivisto, დ. 25 ნოემბერი, 1923, ტურკუ, ფინეთი — გ. 12 მაისი, 2017, ჰელსინკი, ფინეთი) — ფინელი სახელმწიფო და პოლიტიკური მოღვაწე, ფილოსოფიის მეცნიერებათა დოქტორი 1956 წლიდან.
| მაუნო კოივისტო | |
| ფინეთის მე–9 პრეზიდენტი | |
|---|---|
| თანამდებობაზე ყოფნის დრო | |
| 27 იანვარი 1982 – 1 მარტი 1994 | |
| წინამორბედი | ურჰო კეკონენი |
| მემკვიდრე | მარტი აჰტისაარი |
| დაბადებული | 25 ნოემბერი 1923 ტურკუ ფინეთი |
| გარდაცვლილი | 12 მაისი, 2017 (93 წლის) ჰელსინკი, ფინეთი |
ბიოგრაფია
რედაქტირებადაიბადა 1923 წელს ქალაქ ტურკუში, მეთევზის ოჯახში. სსრკ-ფინეთის ომის (ე. წ. ზამთრის ომი, 1939–1940) დროს მუშაობდა სახანძრო დაცვაში, ხოლო ე. წ. ომი გაგრძელების დროს (1941–1944) მსახურობდა არმიაში უმცროსი სერჟანტის წოდებით.
1947 წელს კოივისტო გაწევრიანდა სოციალ-დემოკრატიულ პარტიაში. 1966-1967 და 1972 წწ. იყო ფინანსთა მინისტრი, ხოლო 1968-1970 და 1979-1982 წლებში იყო ფინეთის პრემიერ-მინისტრი.
1982 წელს ურჰო კეკონენის გადადგომის შემდეგ გახდა ფინეთის პრეზიდენტი და ქვეყანას მართავდა 12 წელი, 1994 წლის 1 მარტამდე. პრეზიდენტობის დასაწყისში იგი ატარებდა ურჰო კეკონენის პოლიტიკას, მაგრამ სსრკ-ს დაშლის შემდეგ დაიწყო დასავლური კურსის გატარება.