მარიუტი
მარიუტი — ლაგუნის ტიპის მარილიანი ტბა ჩრდილოეთ ეგვიპტეში. მდებარეობს მდინარე ნილოსის დელტის დასავლეთ ნაწილში, ზღვის დონიდან 4 მ-ით დაბლა. ხმელთაშუა ზღვისგან გამოყოფილია ვიწრო და ქვიშიანი ყელით, რომელზედაც დაშენებულია ქალაქ ალექსანდრიის დასავლეთი ნაწილი. გადაჭიმულია ჩრდილო-აღმოსავლეთიდან სამხრეთ-დასავლეთისაკენ; წაგრძელებული ფორმისაა. XX საუკუნეში ტბის ფართობი დაახლოებით 200 კმ² აღწევდა.[1] ამჟამად მისი ფართობია 60 კმ².[2] ნაპირებთან მოქმედებს თევზსაჭერი არტელი და მარილის მოსაპოვებელი საწარმო. მარიუტი არხით შეერთებულია მდინარე ნილოსთან. ტბის ყველაზე მაღალი დონეები ემთხვევა მდინარე ნილოსის წყალმოვარდნებს. ანტიკურ დროში ტბას „მარეოტისი“ ეწოდებოდა. ტბაში მოიპოვება ნილოსის ქორჭილა.
| მარიუტი | |
|---|---|
 მარიუტი | |
| კოორდინატები: 31°09′11″ ჩ. გ. 29°53′55″ ა. გ. / 31.15306° ჩ. გ. 29.89861° ა. გ. | |
| მდებარეობა |  ეგვიპტე
|
| სიმაღლე ზღვის დონიდან | -4 მ მ |
| ფართობი | 60 კმ² |
  | |
სქოლიო
რედაქტირება- ↑ Lake Mariout — Great Soviet Encyclopedia[მკვდარი ბმული]
- ↑ Fishing for Lake Mariout's last hope?. დაარქივებულია ორიგინალიდან — 2011-04-05. ციტირების თარიღი: 2014-08-24.