მაია წყნეთელი — XVIII საუკუნის II ნახევრის ქართველი სახალხო გმირი, მათე ყაჩაღად წოდებული. გვარი ცნობილი არაა. ზეპირსიტყვიერი ცნობით, მაია წყნეთელისთვის ბატონს შეურაცხყოფა მიუყენებია, ამის გამო მამამისს თავი ჩამოუხრჩვია, დედა კი შიმშილით მომკვდარა. შურისძიების გრძნობით გამსჭვალულმა მაია წყნეთელმა კაცურად გადაცვია და ერეკლე II-ის კარზე დაიწყო სამსახური. მას ბევრჯერ მებატონეების მიერ ყიზილბაშებზე გაყიდული ქალ-ვაჟი გაუთავისუფლებია. მას შემდეგ რაც იგი მებატონეებმა დააბეზღეს იძულებული გახდა ყაჩაღად გავარდნილიყო. დაღუპულა სპარსელთა წინააღმდეგ ბრძოლაში.

მაია წყნეთელის თავგადასავალი აისახა ქართულ ფოლკლორში, აგრეთვე თეატრსა და კინოში. 1959 წელს რეჟისორმა რეზო ჩხეიძემ გადაიღო ფილმი „მაია წყნეთელი“. სურათში მთავარი როლი ლეილა აბაშიძემ შეასრულა[1].

ლიტერატურარედაქტირება

სქოლიორედაქტირება

  1. მაია წყნეთელი (1959) დაარქივებული 2015-02-12 საიტზე Wayback Machine. . ეროვნული ფილმოგრაფია