მავნე კუსებურა (ლათ. Eurygaster integriceps) — მწერი ნახევრადხეშეშფრთიანთა რიგისა. აზიანებს მარცვლოვნებს.[1] ხასიათდება მაღალი მავნეობით, განსაკუთრებით აღმოსავლეთ საქართველოში. ადვილად გასარჩევია, რადგან აქვს ძლიერ განვითარებული მკერდის ფარი, რომელიც სხეულის თითქმის მთელ ზედა მხარეს ფარავს. ახალგამოჩეკილი მატლები ჯერ მცენარის ნორჩ ფოთლებს წუწნიან, შემდეგ კი თავთავებზე გადადიან. მარცვლეული აღარ მწიფდება და ნაოჭდება, მისი წონა გაცილებით ჩამორჩება საღის წონას. ასეთი თავთავი მოთეთრო ფერისა და ფეხზე მდგომია. მავნებელი იძლევა ერთ გენერაციას.[2][3]
ბრძოლის ღონისძიებები: ხოჭოების შეგროვება და განადგურება.[2][3]
