მადრე-დე-დიოსის პროვინცია

მადრე-დე-დიოსი — პროვინცია ბოლივიაში, პანდოს დეპარტამენტის სამხრეთ ნაწილში. სახელი ეწოდა მდინარე მადრე-დე-დიოსისგან, რომელზეც პროვინციის ჩრდილოეთ საზღვარი გადის. მდებარეობს ბოლივიის ამაზონის დაბლობში და ესაზღვრება ლა-პასისა და ბენის დეპარტამენტებს. ჩრდილო-აღმოსავლეთიდან სამხრეთ-დასავლეთისკენ გადაჭიმულია 390 კმ-ზე, ჩრდილო-დასავლეთიდან სამხრეთ-აღმოსავლეთისკენ 150 კმ-ზე, ხოლო მთლიანი ფართობი 10 879 კმ²-ია.

პროვინცია
მადრე-დე-დიოსის პროვინცია Provincia Madre de Dios
ქვეყანა	ბოლივია
კოორდინატები	11°50′00″ ს. გ. 67°10′00″ დ. გ.
ფართობი	10 879 კმ²
მოსახლეობა	9 521 კაცი (2001)
სიმჭიდროვე	0.9 კაცი/კმ²
სასაათო სარტყელი	UTCBOT (UTC-4)
მადრე-დე-დიოსის პროვინცია ვიკისაწყობში

მოსახლეობა

ბოლო ოცი წლის განმავლობაში, პროვინციის მოსახლეობა 50%-ზე მეტით გაიზარდა. 2001 წლის მონაცემებით, მოსახლეობა 9 521 ადამიანს შეადგენდა, ხოლო 2010 წლისთვის, სავარაუდოდ 12 290 უნდა გამხდარიყო.

მდინარე მადრე-დე-დიოსი

• მოსახლეობის 49.8 % 15 წელზე ნაკლები ასაკისაა. (1992)
• მოსახლეობის ძირითადი ნაწილი 99.3 % ესპანურად ლაპარაკობს; 0.7 % კეჩუაზე, 0.1 % აიმარაზე და 5.6 % სხვა ადგილობრივ ენებზე (1992)
• მოსახლეობის 94.7 %-ს არ აქვს ელექტროენერგია, 71.8 %-ს სასმელი წყალი. (1992)
• წერა-კითხვის მცოდნეა 82.4 % (1992)
• მორწმუნეთა 80.2 % კათოლიკეა, 18.8 % პროტესტანტი. (1992)

დაყოფა

პროვინცია შედგება სამი მუნიციპალიტეტისაგან, რომლებიც თავის მხრივ კანტონებად იყოფიან. დედაქალაქია პუერტო-გონსალეს-მორენო.

იხილეთ აგრეთვე

• ბოლივიის პროვინციები

რესურსები ინტერნეტში

• პროვინციის რუკა დაარქივებული 2012-04-27 საიტზე Wayback Machine.
• ბოლივიის სტატისტიკის ეროვნული ისნტიტუტი
• პანდოს დეპარტამენტის სოციალური მონაცემები