ლუი გოიე
ლუი-ჟერომ გოიე (დ. 27 თებერვალი, 1746 — გ. 29 მაისი, 1830) — საფრანგეთის რევოლუციის დროინდელი პოლიტიკოსი. წარმოშობით საფრანგეთის დეპარტამენტ ენდრი და ლუარადან იყო. დაიბადა ნოტარიუსის ოჯახში, გარკვეული პერიოდის განმავლობაში რენში ადვოკატად მუშაობდა. იგი 1789 წელს მოწვეული გენერალური შტატების ერთ-ერთი დეპუტატი იყო, სადაც მესამე წოდებას წარმოადგენდა. რევოლუციის მიმდინარეობისას, 1791 წლის წლის 1 ოქტომბერს შექმნილ საკანონმდებლო კრებაში გოიე დეპარტამენტ ილი და ვილენის წარმომადგენელი იყო.
1793-1794 წლებში საფრანგეთის რესპუბილიკის იუსტიციის მინისტრის თანამდებობა ეკავა, ასევე იყო რესპუბილიკის წარმომადგენელთა პალატის — ხუთასთა საბჭოს დეპუტატიც, 1799 წლის ივნისში კი დირექტორიის წევრი გახდა, ამ თანამდებობაზე მან ჟან-ბატისტ ტრელიარი შეცვალა.
1799 წლის ოქტომბერში, როდესაც ნაპოლეონ ბონაპარტი ეგვიპტის ექსპედიციიდან დაბრუნდა, გოიეს დირექტორიის პრეზიდენტის თანამდებობა ეკავა. იმავე წლის 9 ნოემბერს, როცა ნაპოლეონმა ქვეყანაში სახელმწიფო გადატრილება მოაწყო და დირექტორიის წევრები თანამდებობიდან ჩამოაგდო, გოიემ სცადა ბონაპარტისთვის წინააღმდეგობის გაწევა, თუმცა უშედეგოდ. იგი დააპატიმრეს და, თავდაპირველად, ლუქსემბურგის სასახლეში გადაიყვანეს. პატიმრობიდან გათავისუფლების შემდეგ იგი აქტიურ პოლიტიკურ ცხოვრებას ჩამოშორდა.
ლიტერატურა
რედაქტირება- Mémoires d'un vétéran irréprochable de la Révolution (published in 1824)
- A report on the papers of the civil list preparatory to the trial of King Louis XVI, printed in Le Procès de Louis XVI (Paris) etc., while other reports are featured in the Le Moniteur Universel.