ლუდივინ სანიე

ლუდივინ სანიე (ფრანგ. Ludivine Sagnier; დ. 3 ივლისი, 1979, ლა-სალ-სენ-კლოდი, იველინი, საფრანგეთი) — ფრანგი მსახიობი და მოდელი. ნომინირებული იყო სეზარის პრემიაზე მეორეხარისხოვანი როლის შესრულებისთვის ფილმებში: „აუზი“ და „საიდუმლო“.

ლუდივინ სანიე
დაბადების თარიღი	3 ივლისი, 1979 (1979-07-03) ლა-სალ-სენ-კლოდი, იველინი, საფრანგეთი
საქმიანობა	მსახიობი მოდელი
აქტიური	1989–დღემდე

ბიოგრაფია

ლუდივინ სანიე დაიბადა 1979 წლის 3 ივლისს. დედამისი ექს მდივანია, ხოლო მამამისი პარიზის უნივერსიტეტის პროფესორი. თეატრალურ კურსებზე გამოსვლები ჯერ კიდევ 6 წლის ასაკში დაიწყო. მისი კინოკარიერა ათვლას 1989 წლიდან იწყებს, როდესაც იგი გადაიღეს ფილმში „ქმრები, ცოლები, საყვარლები“. იმ დროისათვის სანიე მხოლოდ 8 წლისა იყო.

ერთი წლის შემდეგ, სანიემ კვლავ მიიღო როლი კინოში. ამჯერად მონაწილეობა მიიღო ფილმში „სირანო დე ბერჟერაკი“, სადაც მისი პარტნიორი გახდა ფრანგული კინოს ვარსკვლავი ჟერარ დეპარდიე. შემდეგ როლი მიიღო სერიალში. 1990-იან წლებში უმეტესწილად სერიალებში მონაწილეობდა. ამავე წლებში ეპიზოდური როლები მიიღო რამდენიმე კინოფილმში. 2000 წლის შემდეგ იგი რეგულარულად იღებს კინოში როლებს. 2000 წელს ითამაშა ფრანსუა ოზონის ფილმში „წვიმის წვეთები გაბზარულ კლდეებზე“, 2002 წელს ფილმში „8 ქალბატონი“, ხოლო 2003 წელს ფილმში „აუზი“.

2008 წელს ითამაშა ფილმში „მერინი“, სადაც მოთხრობილია ისტორია მძარცველსა და საზოგადოდ ცნობილ ჟაკ მერინზე.

ფილმოგრაფია

წელი		ქართულად	მშობლიური სახელწოდება	როლი
1990	ფ	სირანო დე ბერჟერაკი	Cyrano de Bergerac	უმცროსი და
1999	ფ	საუკუნის შვილები	Children of the Century	ჰერმინ დე მუსე
2000	ფ	წვიმის წვეთები გახურებულ ქვებზე	Gouttes d'eau sur pierres brûlantes	ანა
2001	ფ	ჩემი ცოლი მსახიობია	Ma Femme est une actrice	ჯერალდინა
2002	ფ	8 ქალბატონი	8 femmes	კატერინა
2003	ფ	აუზი	Swimming Pool	ჯული
2003	ფ	პატარა ლილი	La Petite Lili	ლილი
2003	ფ	პიტერ პენი	Peter Pan	ტინკერ ბელი
2006	ფ	მე შენ მიყვარხარ პარიზო	Paris, je t'aime	კლერი
2007	ფ	სიმღერები სიყვარულზე	Love Songs	ჯული პომერაიე
2007	ფ	მოლიერი	Molière	სელიმენი
2008	ფ	მერინი	Mesrine	სილვია ჟანჟაკო
2010	ფ	კრიმინალური სიყვარული	Love Crime	იზაბელ გუერინი
2011	ფ	ეშმაკის ორეული	The Devil's Double	სარაბი

რესურსები ინტერნეტში

• ლუდივინ სანიე კინოფილმების ინტერნეტ-მონაცემთა ბაზაში
• ლუდივინ სანიე (ინგლისური)
• ლუდივინ სანიე დაარქივებული 2011-06-23 საიტზე Wayback Machine. (ინგლისური)
• ლუდივინ სანიე - ოფიციალური საიტი დაარქივებული 2011-07-22 საიტზე Wayback Machine. (ინგლისური)