ლომამი
მდინარე კონგოს დემოკრატიულ რესპუბლიკაში
ლომამი — მდინარე კონგოს დემოკრატიულ რესპუბლიკაში, მდინარე კონგოს მთავარი შენაკადი. სიგრძე დაახლოებით 1 280 კილომეტრია.[1]
| ლომამი | |
|---|---|
 | |
| ქვეყანა |
 კონგოს დემოკრატიული რესპუბლიკა |
| სათავე | ქალაქ კამინის მიდამოები |
| სიგრძე | 1 280 კმ |
| აუზის ფართობი | 95 830 კმ² |
 ლომამი ვიკისაწყობში | |
სათავეს იღებს ქვეყნის სამხრეთ ნაწილში, ქალაქ კამინის სიახლოვეს, კონგო-ზამბეზის აუზთა გზაგასაყარზე. შემდეგ მიედინება ჩრდილოეთით; გაივლის ქალაქებს: ლუბაოს, ტშოფას, კომბეს, ბოლაიტის, ოპალას და ირემას, საბოლოოდ კი ქალაქ ისანგის სიახლოვეს ერწყმის მდინარე კონგოს.
1877 წლის 6 იანვარს, ორი მდინარის შესართავს ამერიკელი მკვლევარი ჰენრი მორტონ სტენლი მიადგა. მისი აღწერის მიხედვით, კონგოს უერთდებოდა „დაბალი ნაპირების მქონე და გაუვალი ტყეებით დაფარული სწრაფი ნაკადის მდინარე“.[2]
1889 წლის ოქტომბერში, ლომამის იკვლევდა კონგოს გენერალ-გუბერნატორი მ. ჯენსენი.[3]
სქოლიო
რედაქტირება- ↑ Bossche, J.P. vanden (1990). Source Book for the Inland Fishery Resources of Africa, Volume 1. Food and Agriculture Organization of the United Nations, გვ. 333. ISBN 978-92-5-102983-1.
- ↑ Stanley, H.M., 1899, Through the Dark Continent, London: G. Newnes, Vol. One ISBN 0486256677, Vol. Two ISBN 0486256685
- ↑ „The Lomami“. Scottish geographical magazine. Royal Scottish Geographical Society. 6. 1890.