ლოგონი
ლოგონი, ლოგონე (ფრანგ. Logone) — მდინარე ჩადში და კამერუნში, მდინარე შარის მარცხენა შენაკადი.
| ლოგონი ფრანგ. Logone | |
|---|---|
 მდინარე ლოგონი. 1892 წელი | |
| ქვეყანა |
 კამერუნი ჩადი |
| სათავე |
აღმოსავლეთი ლოგონი/დასავლეთი ლოგონი 9°05′24″ ჩ. გ. 16°27′54″ ა. გ. / 9.0901472° ჩ. გ. 16.4650583° ა. გ. |
| შესართავი |
შარი 12°05′33″ ჩ. გ. 15°02′10″ ა. გ. / 12.09250° ჩ. გ. 15.03611° ა. გ. |
| შესართავის მდებარეობა | ქალაქი კუსერი |
| სიგრძე | 1000 კმ |
| აუზის ფართობი | 78 000 კმ² |
    — სათავე,  — შესართავი | |
 ლოგონი ვიკისაწყობში | |
მდინარე ლოგონის დასავლეთი განშტოების სათავე მდებარეობს კამერუნის აღმოსავლეთ ნაწილში, აღმოსავლეთის განშტოების — ცენტრალური აფრიკის რესპუბლიკის ტერიტორიაზე. აქედან მდინარე მიედინება ცენტრალური აფრიკის რესპუბლიკის და ჩადის ტერიტორიებზე. მის ქვედა დინებაში მდინარე ლოგონზე გადის სახელმწიფო საზღვარი ჩადსა და კამერუნს შორის. კამერუნის ქალაქ კუსერისთან სიახლოვეს მდინარე ლოგონი უერთდება მდინარე შარის, რომელიც შემდეგ ჩაედინება ჩადის ტბაში.
მდინარე ლოგონის სიგრძე შეადგენს დაახლოებით 1000 კმ-ს. მისი აუზის ფართობია — 78 ათასი კმ². ყველაზე უფრო დიდი შენაკადებია — მდინარეები მაიო-კები და ტანჯილე. მდინარის დინებაზე დაკვირვებები სწარმოებს 38 წლის (1951-1984) განმავლობაში ჩადის ქალაქ ბონგორში, დაახლოებით 450 კმ-ით ზემოთ მდინარე შარის შესართავიდან.[1] ამ პერიოდში ბონგორში დაფიქსირებულმა საშუალო წყლის ხარჯმა შეადგინა 492 მ³/წმ.
XVIII—XIX საუკუნეებში მდინარე ლოგონის ქვედა დინების აღმოსავლეთ ნაპირზე კოტოკოს ტომის ხალხმა შექმნა რამდენიმე სასულთნო, რომლებიც დამოკიდებულები იყვნენ ბორნოს და ბაგირმის იმპერიებზე. დღეისათვის ეს ტერიტორიები შედიან კამერუნის შემადგენლობაში.
მდინარე ლოგონის სახელი დარქმეული აქვთ ჩადის ადმინისტრაციულ რეგიონებს — აღმოსავლეთი ლოგონი და დასავლეთი ლოგონი.