ლანჩხუთის მუნიციპალიტეტის გერბი
ლანჩხუთის მუნიციპალიტეტის გერბი — ლანჩხუთის მუნიციპალიტეტის სახელმწიფო სიმბოლო დროშასთან ერთად. დამტკიცებულია ლანჩხუთის მუნიციპალიტეტის საკრებულოს №11 დადგენილებით, 2014 წლის 25 ივნისს[1].
| ლანჩხუთის მუნიციპალიტეტის გერბი | |
|---|---|
 | |
| დეტალები | |
| დამტკიცდა | 25 ივნისი, 2014 |
| გვირგვინი | სამკოშკიანი ქონგურებიანი საქალაქო ვერცხლის გვირგვინი |
| ფარი | ოქროს შველი, ცხრა ქიმიანი ვარსკვლავი, ლელოს ოქროს ბურთი, ზურმუხტოვანი მთები, შვიდტალღოვანი სარტყელი |
| ფარმჭერები | ვერცხლ-მეწამული ბაფთა |
| დევიზი | ლანჩხუთი |
აღწერილობა რედაქტირება
გერბის ფარი გაყოფილია 4 არათანაბარ ნაწილად:
- I ნაწილი — მეწამულ ველზე გამოსახულია ოქროს შველი და ვერცხლის ცხრა ქიმიანი ვარსკვლავი.
- II ნაწილი — ზურმუხტოვან ველზე გამოსახულია ზეაღმართული ოქროს ხელები ლელოს ოქროს ბურთით.
- III ნაწილი — ვერცხლის ველზე გამოსახული ზურმუხტოვანი მთები.
- IV ნაწილი — ლაჟვარდოვან ველს მარჯვნიდან მარცხნივ გადაკვეთს ვერცხლის შვიდი ტალღოვანი სარტყელი.
გერბის ფარს ზემოთ მოთავსებულია საქალაქო ვერცხლის გვირგვინი — სამკოშკიანი ქონგურებიანი გალავანი. (ციხე-სიმაგრის ფორმის) ნახევრად ღია კარიბჭით.
ფარს ქვემოთ მოთავსებულია გერბის დევიზის ვერცხლ-მეწამული ბაფთა, რომლის ვერცხლის ველზე შავად ჩაწერილია დევიზი — „ლანჩხუთი“.