კუმისი (სასმელი)

კუმისი^[1] ხშირად ყუმისი (თურქმანული ენებიდან: ბაშკ. ҡымыҙ; ყაზახ. қымыз; ყირგ. кымыз; იაკუტ. кымыс; თურქ. kımız) — ცხენის ან აქლემის დადუღებული რძისაგან დამზადებული სასმელი. პირველად კუმისის დამზადება დაიწყეს ყაზახეთისა და მონღოლეთის სტეპის ხალხებმა ენეოლითის პერიოდში (5500 წლის წინ)^[2]^[3]. მომთაბარეები ინახავდნენ კუმისის მომზადების ტექნოლოგიას საუკუნეების განმავლობაში. ჰეროდოტეს წყაროების მიხედვით, სკვითებს იმდენად ეშინოდათ „ინფორმაციის გაჟონვისა“, რომ ისინი აბრმავებდნენ ყველა იმ ადამიანს, ვინც იცოდა რეცეპტი.^[4] ჩვეულებრივ, კუმისი შეიცავს 0,2 %-დან 2,5 %-მდე ეთილის სპირტს. მაგარი ნატურალური კუმისი (მხოლოდ ფაშატის რძისგან გაკეთებული) კი შესაძლოა 4,5 %-მდე სპირტს შეიცავდეს.^[5]^[6].