კოპრივნიცა

კოპრივნიცა (ხორვ. Koprivnica) — ქალაქი ჩრდილოეთ ხორვატიაში, კოპრივნიცა-კრიჟევცის ოლქის ადმინისტრაციული ცენტრი. 2011 წლის აღწერის მიხედვით, კოპრივნიცა არის (ქალაქური მოსახლეობის რაოდენობის მიხედვით) სიდიდით მე-17 ქალაქი ხორვატიაში.

ქალაქი
კოპრივნიცა Koprivnica
დროშა
ქვეყანა	ხორვატია
ოლქი	კოპრივნიცა-კრიჟევციკოპრივნიცა-კრიჟევცი
კოორდინატები	46°09′46″ ჩ. გ. 16°49′42″ ა. გ.
პირველი ხსენება	1272
ფართობი	91,94 კმ²
ცენტრის სიმაღლე	149 მეტრი
მოსახლეობა	30 854 კაცი (2011)
სიმჭიდროვე	340 კაცი/კმ²
სასაათო სარტყელი	UTC+1, ზაფხულში UTC+2
სატელეფონო კოდი	048
საფოსტო ინდექსი	480000
საავტომობილო კოდი	KC
ოფიციალური საიტი	koprivnica.hr
კოპრივნიცა ვიკისაწყობში

გეოგრაფია

ქალაქი მდებარეობს დედაქალაქ ზაგრებიდან ჩრდილო-აღმოსავლეთით 75 კმ-ის დაშორებით, უნგრეთის საზღვრიდან 10 კმ-ში. კოპრივნიცა მსხვილი სატრანსპორტო ცენტრია, აქ იკვეთება ზაგრები-ბუდაპეშტისა და ვარაჟდინ-ოსიეკის რკინიგზები. გადის მნიშვნელოვანი მაგისტრალებიც.

წმ. ნიკოლოზის ეკლესია

ქალაქი მნიშვნელოვანი სამრეწველო ცენტრიცაა. აქ მდებარეობს ქიმიური, ხის გადამამუშავებელი და ლუდის საწარმოები, ასევე ხორვატიის მნიშვნელოვანი კომპანია პოდრავკა.

ისტორია და ღირსშესანიშნაობები

ქალაქის ადგილას დასახლებული პუნქტი ისტორიულ წყაროებში პირველად 1272 წელს მოიხსენიება, 1356 წელს კი კოპრივნიცას ქალაქის სტატუსი მიენიჭა.

რეგიონის ბევრი სხვა ქალაქის მსგავსად, XVI საუკუნის ბოლოს კოპრივნიცაშიც აშენდა ციხე-სიმაგრე თურქების ლაშქრობებისაგან თავდასაცავად. XVII საუკუნეში ქალაქი სწრაფად განვითარდა ჰაბსბურგების მმართველობისას.

1685 წელს დასრულდა წმ. ანტონ პადუელის სახელობის ფრანცისკანელთა მონასტრის მშენებლობა; იმავე XVII საუკუნეში აიგო წმ. ნიკოლოზის ბაროკოს სტილის ეკლესია. ქალაქის კიდევ ერთ ღირსშესანიშნაობას წარმოადგენს 1793 წელს დასრულებული სულიწმინდის ეკლესია.

რესურსები ინტერნეტში

• კოპრივნიცა
• Koprivnica.net Portal Unofficial
• Podravina დაარქივებული 2010-12-29 საიტზე Wayback Machine.
• Virtual Reality Tour of Koprivnica