კობა ლურსმანაშვილი
კობა ლურსმანაშვილი (დ. 5 მარტი, 1970, დაბა ხარაგაული) — ქართველი იურისტი, პოლიტიკოსი.
| კობა ლურსმანაშვილი | |
|---|---|
| დაბადების თარიღი | 5 მარტი, 1970 |
| დაბადების ადგილი | დაბა ხარაგაული |
| მოქალაქეობა |
 სსრკ → საქართველო |
| განათლება | თბილისის სახელმწიფო უნივერსიტეტი |
| ეროვნება | ქართველი |
| პარტია | „ქართული ოცნება - დემოკრატიული საქართველო“ |
| საქმიანობა | საქართველოს პარლამენტის IX მოწვევის წევრი |
1990 წელს დაამთავრა თბილისის სამრეწველო ეკონომიკური ტექნიკუმის სამართალმცოდნეობის სპეციალობა, ხოლო 1995 წელს თბილისის სახელმწიფო უნივერსიტეტი საერთაშორისო სამართლის სპეციალობით.
1987-1988 წლებში იყო სოფ. თეთრიწყაროს კოლმეურნეობის კოლმეურნე წევრი; 1994-1996 წლებში ა/ს ორგანიზაცია „ადამიანის უფლებების დაცვის ლიგა“-ში იურისტი; 1996-1997 წლებში იყო საქართველოს პარლამენტის იურიდიული კომიტეტის აპარატის უფროსი სპეციალისტი; 1997 წელს საქართველოს პარლამენტის აპარატის წამყვანი სპეციალისტი; 1998-2002 წლებში ხარაგაულის რაიონის საკრებულო, „ადამიანის უფლებების კომისია“, თავმჯდომარე; 2002-2003 წლებში კიცხის თემის, გამგებელი; 2003-2004 წლებში იყო ფინანასთა სამინისტროს ხარაგაულის რაიონის საგადასახადო ინსპექციაში, უფროსის მოვალეობის შემსრულებელი. 2004-2009 წლებში იყო ინდივიდუალური მეწარმე; 2009-2013 წლებში მუშაობდა საქართველოს ადვოკატთა ასოციაციაში, ადვოკატი; 2013-2016 წლებში იყო ხარაგაულის მუნიციპალიტეტის გამგებელი. 2016-2020 წლებში იყო საქართველოს მე-9 მოწვევის პარლამენტის წევრი (ხარაგაულისა და ბაღდათის მაჟორიტარი), საარჩევნო ბლოკი: „ქართული ოცნება — დემოკრატიული საქართველო“.
2020 წლის 31 ოქტომბერს არჩეული იქნა ხარაგაულის მერად. მან 7239 ხმა (55,71%) მიიღო.[1]
რესურსები ინტერნეტში
რედაქტირება- კობა ლურსმანაშვილი — საქართველოს ბიოგრაფიული ლექსიკონი
- კობა ლურსმანაშვილი — საქართველოს პარლამენტის ოფიციალური საიტი (მოძველებული / არქივი / ახალი არქივი)
სქოლიო
რედაქტირება- ↑ შედეგები. დაარქივებულია ორიგინალიდან — 2021-01-04. ციტირების თარიღი: 2020-11-20.