კენ ვატანაბე

კენ ვატანაბე (იაპონ. 渡辺 謙 ვატანაბე კენ, დ. 21 ოქტომბერი, 1959) — იაპონელი თეატრის, ტელევიზიისა და კინოს მსახიობი. ის ცნობილია თავისი როლებით ფილმებში „წერილები ივო ჯიმადან~ და „უკანასკნელი სამურაი“. ამ უკანასკნელისთვის ის ნომინირებული იყო ოსკარზე საუკეთესო მსახიობი კაცისთვის მეორეხარისხოვან როლში. სხვა ჯილდოებთან ერთად, ვატანაბეს ორჯერ აქვს მოგებული იაპონიის აკადემიის ჯილდო საუკეთესო მსახიობი კაცისთვის, 2007 წელს „ხვალინდელი დღის მოგონებებისთვის“ და 2010 წელს ფილმისთვის „შიზუმანუ ტაიო“. ის ასევე ცნობილია რეჟისორი კრისტოფერ ნოლანის ჰოლივუდურ ბლოკბასტერებში „ბეტმენი: დასაწყისსა“ და „დასაწყისში“ განსახიერებული გმირებისთვის.

კენ ვატანაბე
ვატანაბე 2007 წელს
დაბადების სახელი	კენ ვატანაბე
დაბადების თარიღი	21 ოქტომბერი, 1959 კოიდე, ნიიგატა, იაპონია
საქმიანობა	მსახიობი
აქტიური	1979 – დღემდე
მეუღლე(ები)	იუმიკო ვატანაბე (–2005) კაჰო მინამი (2005–დღემდე)

ფილმოგრაფია

წელი		ქართულად	მშობლიური სახელწოდება	როლი
2003	ფ	უკანასკნელი სამურაი	The Last Samurai	კაცუმოტო მორიცუგუ
2005	ფ	გეიშას მემუარები	Memoirs of a Geisha	თავმჯდომარე
2005	ფ	ბეტმენი: დასაწყისი	Batman Begins	რას ალ გული
2006	ფ	წერილები ივო ჯიმადან	Letters from Iwo Jima	ტადამიჩი კურიბაში
2010	ფ	დასაწყისი	Inception	საიტო

რესურსები ინტერნეტში

• შეგიძლიათ იხილოთ მედიაფაილები თემაზე „კენ ვატანაბე“ ვიკისაწყობში.
• კენ ვატანაბე კინოფილმების ინტერნეტ-მონაცემთა ბაზაში