კაცი, რომელსაც ლიტერატურა ძლიერ უყვარდა
„კაცი, რომელსაც ლიტერატურა ძლიერ უყვარდა“ — გურამ დოჩანაშვილის მოთხრობა. სხვადასხვა დროს გამოქვეყნდა მწერლის მოთხრობების კრებულებში (პირველად 1973 წელს).
| „კაცი, რომელსაც ლიტერატურა ძლიერ უყვარდა“ | |
|---|---|
 | |
| ავტორი | გურამ დოჩანაშვილი |
| ქვეყანა | საქართველოს სსრ |
| ენა | ქართული |
| ჟანრი | მოთხრობა |
| გამოცემის თარიღი | 1973 |
| გვერდი | 70 |
| ISBN | 9789941413230 |
მოთხრობის შესახებ
რედაქტირებავასიკო კეჟერაძე ლიტერატურის სიყვარულის გზით წავიდა. კარგად იცოდა, რომ “იყო მკითხველი, ეს თავისთავად სასწაულია, მკითხველი – ეს სწორედ ისაა, ვისაც შეგიძლია ისედაც ვიწრო საძილე ტომარაში შეყვარებულებს შორის იწვე და სულაც არ იყო ზედმეტი, ეს – სასწაულია და მეტსაც გეტყვით, ზედმეტი კი არა, აუცილებელი ხარ, რადგან ავტორმა ასე ინება”. ამიტომაც პროფესიით ფოტოგრაფმა ატელიედან გასვლის გარეშე მოიარა მთელი მსოფლიო, გადახდა უამრავი თავგადასავალი, შეიყვარა უამრავი ქალი, მიაღწია პიროვნულ თავისუფლებას. ვასიკოსაც ჩხვლეტდა სიყვარულის კაქტუსი, ლიტერატურის სიყვარულისა.[1] სწორედ ამ დროს შეხვდა მასა ერთ-ერთი "ჟურნალ-გაზეთის" კორესპონდენტი და დაიწყო ძალიან უცნაური ინტერვიუ.
პერსონაჟები
რედაქტირება- ვასიკო კეჟერაძე — მთავარი პერსონაჟი, კაცი, რომელსაც ლიტერატურა ძლიერ უყვარდა, ფოტოგრაფი.
- კლიმი — ვასიკოს თანაშემწე.
- კორესპონდენტი — მთხრობელი.
- ხელმძღვანელი — გაზეთის რედაქტორი.
ეკრანიზაცია
რედაქტირებაგადაღებულია ნაწარმოების სატელევიზიო ვერსია (1975, რეჟ. ზურაბ კანდელაკი). მთავარ როლებში არიან: ეროსი მანჯგალაძე, ჟანრი ლოლაშვილი.