კარი ზაფხულში
კარი ზაფხულში (ინგლ. The Door into Summer) — ამერიკელი მწერლის, რობერტ ჰაინლაინის რომანი სამეცნიერო ფანტასტიკის ჟანრში. გამოიცა 1957 წელს, მაგარი ყდით.
| „კარი ზაფხულში“ | |
|---|---|
| The Door into Summer | |
| ავტორი | რობერტ ჰაინლაინი |
| ქვეყანა | აშშ |
| ენა | ინგლისური |
| ჟანრი | სამეცნიერო ფანტასტიკა |
| გამომცემელი |
„Doubleday“ (ორიგინალი გამოცემა) „წიგნები ბათუმში“ (ქართულენოვანი გამოცემა) |
| გამოცემის თარიღი | 1957 |
| მთარგმნელი | ანა დაბრუნდაშვილი |
| ქართულად გამოიცა | 2015 |
| მედია | მაგარი ყდა; რბილი ყდა |
| oclc | 16365175 |
| ISBN | 0-330-02516-3 |
რომანი სწრაფად მიმდინარე სამეცნიერო ფანტასტიკაა, ძირითადი ფანტასტიკური და რომანტიკული ელემენტებით.
1975-1998 წლებში ჟურნალ Locus-ის მიერ მკითხველებს შორის ჩატარებული, სამი ერთმანეთისგან განცალკევებული გამოკითხვის შედეგად, სამეცნიერო ფანტასტიკის ჟანრში დაწერილ საუკეთესო წიგნებს შორის, მან 36-ე, 29-ე და 43-ე ადგილები დაიკავა[1].
რომანის აღნიშნული სახელწოდება გამოიწვია ჰაინლაინის მეუღლის, ვირჯინიას შენიშვნამ მათ კატასთან დაკავშირებით, რომელიც სახლიდან არ გადიოდა: „იგი ზაფხულში გასასვლელ კარს ეძებს“[2].
რობერტ ჰაინლაინმა, „კარი ზაფხულში“ 13 დღის განმავლობაში დაწერა[3].
სიუჟეტი
რედაქტირებამოქმედება 1970 წელს ვითარდება. დენიელ (დენ) ბუნ დეივისი ნიჭიერი გამომგონებელი და ინჟინერია, რომელმაც საკუთარი კომპანია — Hired Girl, Inc. („მოსამსახურე გოგონა“), პარტნიორის — მაილზ გენტრის და კომპანიის ბუღალტრის — ბელ დარკინის გამო დაკარგა. დარკინი დენიელის საცოლე იყო, რომელმაც მოტყუებით გამოძალა მას ხმის მიცემის უფლების მქონე აქციები. დენის ერთადერთი მეგობარი, მისი კატა, პეტრონიუს (პიტი) არბიტერია — ჭირვეული მამალი კატა, რომელსაც თოვლის გამო გარეთ გასვლა სძულს. „მოსამსახურე გოგონა“ მტვერსასრუტებს აწარმოებს, თუმცა, დენიელმა, ყველა საყოფაცხოვრებო დანიშნულების მქონე რობოტები შექმნა, რომელთაც „უნივერსალური ფრენკი“ უწოდა. ამ პერიოდში, მაილზ გენტრმა გამოაცხადა საკუთარი განზრახვა — კომპანიის და „უნივერსალური ფრენიკის“ გაყიდვა, რის შემდეგაც, იგი ვიცე-პრეზიდენტი გახდებოდა. დამოუკიდებლობის სურვილის გამო, დენმა წინააღმდეგობა გამოთქვა, თუმცა, ხმათა უმრავლესობამ, სიტუაცია მის წინააღმდეგ წარმართა. დარჩენილი მსხვილი ფინანსების და „მოსამსახურე გოგონა“-ს სააქციო კაპიტალის გამო, დენმა „გაყინული ძილით“ (ანაბიოზი) სარგებლობა გადაწყვიტა, იმ იმედით, რომ ოცდაათი წლის შემდეგ, უკეთეს მომავალში გაიღვიძებდა. ყველაფერი კი — ამ გადაწყვეტილებით დაიწყო...
პერსონაჟები
რედაქტირება- დენიელ (დენ) ბუნ დეივისი — ჰაინლაინის ტიპური გმირი, რომელსაც ავტორის მსგავსი ხასიათი აქვს.
- მაილზ გენტრი — დენის ყოფილი ბიზნეს-პარტნიორი და მეგობარი.
- ბელ დარკინი — ბრწყინვალე მდივანი, ბუღალტერი და ოფის-მენეჯერი, რომელიც მცირე ხელფასს დათანხმდა და საკუთარი თავი მაშინ წარადგინა დენის და მაილზის წინაშე, როცა მათ ყველაზე მეტად ესაჭიროებოდათ დამხმარე. სინამდვილეში, იგი ჩამოყალიბებული თვალთმაქცია ვრცელი კრიმინალური ისტორიით, რამდენიმე გამოგონილი სახელით და არაერთი ქორწინებით, რომელთაგან არცერთი არ დამთავრებულა განქორწინებით. თავდაპირველად, იგი დენს ატყუებს, შემდეგ კი — მაილზს.
- ფრედერიკა ვირჯინია (რიკი) ჰაინიკე — ფიზიკურად 11 წლის გოგონა, მაგრამ ემოციურად თითქმის ზრდასრული. იმ პერიოდისთვის დამახასიათებელი ჰაინლაინის ყველა მდედრობითი სქესის წარმომადგენელი გმირის მსგავსად, ფრედერიკა გონიერი ჟღალთმიანი გოგონაა, რომელიც ვირჯინია ჰაინლაინის მოდელირებაა და აგრეთვე, მის სახელს (ვირჯინია) და ზედმეტ სახელს — რიკი-ტიკი-ტავის ატარებს[4].
- პეტრონიუს (პიტი) არბიტერი — დენის კატა, რომელიც ყოველთვის მასთან ერთადაა.
- ჩაკ ფროიდენბერგი — დენის საუკეთესო მეგობარი.
- ჰუბერტ ტვიჩელი — ნიჭიერი ფიზიკოსი კოლორადოს უნივერსიტეტში, რომელმაც ანტიგრავიტაციის შესწავლისას, დროში მოგზაურობა გამოიგონა.
ლიტერატურა
რედაქტირება- More Issues at Hand, by James Blish, writing as William Atheling, Jr., Advent:Publishers, Inc., Chicago, 1970
- Heinlein in Dimension, by Alexei Panshin, Advent:Publishers, Inc., Chicago, 1968
რესურსები ინტერნეტში
რედაქტირებასქოლიო
რედაქტირება- ↑ Bibliography: The Door into Summer
- ↑ "Well the fastest was — I'll have to explain. When we were living in Colorado there was snowfall. Our cat — I'm a cat man — wanted to get out of the house so I opened a door for him but he wouldn't leave. Just kept on crying. He'd seen snow before and I couldn't understand it. I kept opening other doors for him and he still wouldn't leave. Then Ginny said, 'Oh, he's looking for a door into summer.' I threw up my hands, told her not to say another word, and wrote the novel The Door Into Summer in 13 days." Heinlein interview with Alfred Bester; pg 487 Redemolished ISBN 0-7434-0725-3
- ↑
Когда мы жили в Колорадо, там выпал снег. Наш кот — а я кошатник — захотел выйти из дома, и я открыл ему дверь, но он не выходил. Просто продолжал вопить. До этого он видел снег, и я не мог понять, что случилось. Я снова и снова открывал перед ним другие двери, а он опять не выходил. Потом Джинни сказала «О, он ищет дверь в лето». Я махнул на кота рукой, попросил её не говорить больше ни слова и написал роман «Дверь в лето» за 13 дней.
ორიგინალი ტექსტი (ინგლისური)«When we were living in Colorado there was snowfall. Our cat — I’m a cat man — wanted to get out of the house so I opened a door for him but he wouldn’t leave. Just kept on crying. He’d seen snow before and I couldn’t understand it. I kept opening other doors for him and he still wouldn’t leave. Then Ginny said, „Oh, he’s looking for a door into summer.“ I threw up my hands, told her not to say another word, and wrote the novel „The Door Into Summer“ in 13 days.»
- ↑ James Gifford. (29.03.2005) The Robert A. Heinlein Frequently Asked Questions List. Nitrosyncretic Press. დაარქივებულია ორიგინალიდან — 2012-08-07. ციტირების თარიღი: 2012-07-31.