იუზა ევგენიძე

იუზა თედორეს ძე ევგენიძე (დ. 24 თებერვალი, 1943, სოფ. ახალსოფელი, ახლანდ. ლანჩხუთის მუნიციპალიტეტი, — გ. 2 იანვარი, 2013, თბილისი) — ქართველი ლიტერატურათმცოდნე. ფილოლოგიის მეცნიერებათა დოქტორი (1995), პროფესორი (1997).

დაამთავრა თბილისის სახელმწიფო უნივერსიტეტის ფილოლოგიის ფაკულტეტი (1965). 1969 წლიდან მოღვაწეობდა თსუ-ში (2009 წლიდან — თსუ-ის ჰუმანიტარული ფაკულტეტის ასოცირებული პროფესორი). მონოგრაფიულად აქვს შესწავლილი ვაჟა-ფშაველას და გრიგოლ ორბელიანის ცხოვრება და შემოქმედება, ქართული რომანტიზმი. მისი თანაავტორობითა და მონაწილეობით გამოცემულია არაერთი წიგნი და კრებული. დაჯილდოებულია ივანე ჯავახიშვილის სახელობის მედლით (2003).

ბიბლიოგრაფია

ნარკვევები ქართული ლიტერატურის ისტორიიდან, ტ. 1. თბილისი, თბილ. უნ-ტის გამ-ბა, 2000.
გრიგოლ ორბელიანი: ცხოვრება და მოღვაწეობა. თბილისი, მერიდიანი, 1995.
ვაჟა-ფშაველა: ცხოვრებისა და შემოქმედებითი ისტორიის საკითხები. თბილისი, თბილ. უნ-ტის გამ-ბა, 1989.

ლიტერატურა

ენციკლოპედია „საქართველო“, ტ. 2, თბ., 2012. — გვ. 549.
მინაშვილი, ლ., „ძვირფასი მხოლოდ სული გვაქვს“ (პროფესორ იუზა ევგენიძის ხსოვნას), «სჯანი», [ტ.] 14, 2013. — გვ. 266-270.