ირაკლი მექვაბიშვილი
ირაკლი მექვაბიშვილი (დ. 11 მაისი, 1973, თბილისი, საქართველო) — ქართველი ბანკირი და ეკონომისტი. ეკონომიკურ მეცნიერებათა დოქტორი. საქართველოს გენერალური აუდიტორი (სახელმწიფო აუდიტის სამსახური) 2017 წლის 20 სექტემბრიდან[1][2] 2022 წლის 20 სექტემბრამდე.
| ირაკლი მექვაბიშვილი | |
|---|---|
| დაბადების თარიღი |
11 მაისი, 1973 თბილისი, საქართველო |
| ეროვნება | ქართველი |
| მოქალაქეობა |
 საქართველო |
| ალმა-მატერი | თბილისის სახელმწიფო უნივერსიტეტი |
| საქმიანობა | ბანკირი, ეკონომისტი, მენეჯერი |
განათლება რედაქტირება
1996 წელს დაამთავრა ივანე ჯავახიშვილის სახელობის თბილისის სახელმწიფო უნივერსიტეტის ეკონომიკის ფაკულტეტი, საბანკო საქმის სპეციალობით. 2006 წელს ამავე უნივერსიტეტში მიიღო ეკონომიკურ მეცნიერებათა დოქტორის ხარისხი (თემა: „საბანკო ზედამხედველობის სისტემის სრულყოფის გზები თანამედროვე ეტაპზე“).
სამუშაო გამოცდილება რედაქტირება
2015-2017 წლებში მექვაბიშვილი ევროპის რეკონსტრუქციისა და განვითარების ბანკის მთავარი ბანკირი და ასოცირებული დირექტორი იყო.[3] ამავე ორგანიზაციაში ასევე მუშაობდა სხვადასხვა პოზიციებზე, მათ შორის: მთავარი ბანკირი, ბიზნეს-ლიდერი საქართველოსა და აზერბაიჯანში, ფინანსური ინსტიტუტების დეპარტამენტი, ჩრდილოეთ აფრიკისა და კავკასიის რეგიონში; 2007-2015 წლებში უფროსი ბანკირი, ფინანსური ინსტიტუტების დეპარტამენტი, კავკასიის, ცენტრალური აზიისა და მონღოლეთის რეგიონი, ბიზნესკოორდინატორი საქართველოში.
2008-2014 წლებში იყო „თიბისი ლიზინგის“ სამეთვალყურეო საბჭოს წევრი.
1996-1998 წლებში იყო საბანკო ზედამხედველობის დეპარტამენტის უფროსი ეკონომისტი საქართველოს ეროვნულ ბანკში.[4] 1998-2004 წლებში მუშაობდა სს „გაერთიანებულ ქართული ბანკში“ სხვადასხვა თანამდებობაზე, მათ შორის გენერალურ დირექტორად (2003-2004). 2005-2006 წლებში მსახურობდა „ვითიბი ბანკი ჯორჯიას“ გენერალური დირექტორად. 1996-1998 წლებში მუშაობდა საქართველოს ეროვნულ ბანკში საბანკო ზედამხედველობის დეპარტამენტში უფროსი ეკონომისტის პოზიციაზე. 1997 წელს საბანკო აუდიტორის პოზიციაზე იმუშავა მინეაპოლისის (მინესოტის შტატი, აშშ) ფედერალური სარეზერვო ბანკის საბანკო ზედამხედველობის დეპარტამენტში. 1996-1996 წლებში იყო კომერციული ბანკი „კრწანისის“ სახაზინო დეპარტამენტის მთავარი ეკონომისტი.
რესურსები ინტერნეტში რედაქტირება
სქოლიო რედაქტირება
- ↑ ირაკლი მექვაბიშვილი საქართველოს გენერალური აუდიტორი გახდა. sputnik-georgia.com (20 სექტემბერი, 2017). ციტირების თარიღი: 28 ივნისი, 2018.
- ↑ ირაკლი მექვაბიშვილი გენერალურ აუდიტორად დაამტკიცეს. Imedinews (20 სექტემბერი, 2017). დაარქივებულია ორიგინალიდან — 2023-04-04. ციტირების თარიღი: 28 ივნისი, 2018.
- ↑ საქართველოს პარლამენტმა გენერალური აუდიტორის თანამდებობაზე ირაკლი მექვაბიშვილი აირჩია. საქართველოს პარლამენტი (20 სექტემბერი, 2017). ციტირების თარიღი: 28 ივნისი, 2018.
- ↑ ირაკლი მექვაბიშვილი. სახელმწიფო აუდიტის სამსახური. ციტირების თარიღი: 28 ივნისი, 2018.