ირაკლი კოვზანაძე
ირაკლი კოვზანაძე (დ. 29 მაისი, 1962, ქუთაისი) — ქართველი ეკონომისტი, თანამდებობის პირი, მათემატიკოსი, პედაგოგი, პოლიტიკოსი.
| ირაკლი კოვზანაძე | |
|---|---|
 | |
| დაბადების თარიღი | 29 მაისი, 1962 |
| დაბადების ადგილი | ქუთაისი, საქართველოს სსრ, სსრკ |
| მოქალაქეობა |
 სსრკ → საქართველო |
| განათლება | თბილისის სახელმწიფო უნივერსიტეტი |
| ეროვნება | ქართველი |
| პარტია | „ქართული ოცნება - დემოკრატიული საქართველო“ |
| საქმიანობა | საქართველოს პარლამენტის IX მოწვევის წევრი |
1984 წელს დაამთავრა თბილისის სახელმწიფო უნივერსიტეტის მექანიკა-მათემატიკის ფაკულატეტი, ხოლო 1995 წელს ეკონომიკის ფაკულტეტი. 1987 წელს — თბილისის სახელმწიფო უნივერსიტეტის ალგებრა-გეომეტრიის კათედრის ასპირანტურა. ლონდონის უნივერსიტეტი, დიდი ბრიტანეთი, საერთაშორისო უმაღლესი საფინანსო და საბანკო სკოლა.
1984-1987 წლებში იყო თბილისის სახელმწიფო უნივერსიტეტის ალგებრა-გეომეტრიის კათედრის ასპირანტი. 1988-1990 წლებში — თბილისის სახელმწიფო უნივერსიტეტის გამოთვლითი მათემატიკის კათედრის უფროსი ლაბორანტი. 1990-1991 წლებში იყო თბილისის სახელმწიფო უნივერსიტეტის ალგებრა-გეომეტრიის კათედრის უფროსი მასწავლებელი. 1991-1999 წლებში — იმავე უნივერსიტეტის ალგებრა-გეომეტრიის დოცენტი. 1993-1998 წლებში სააქციო საზოგადოება „კომერციული ბანკი კრწანისი“, მარკეტინგისა და სავალუტო ოპერაციების განყოფილების უფროსი, გამბეობის თავმჯდომარის მოადგილე, გამგეობის თავმჯდომარე, გენერალური დირექტორი; 1998-2003 წლებში იყო სააქციო საზოგადოება „გაერთიანებული ქართული ბანკის“, გენერალური დირექტორი; 2003 წლიდან — თბილისის სახელმწიფო უნივერსიტეტი, ფინანსებისა და კრედიტის კათედრის პროფესორი, კათედრის გამგე; 2004-2008 წლებში იყო საქართველოს მე-6 მოწვევის პარლამენტის წევრი პარტიული სიით, საარჩევნო ბლოკი: „ნაციონალური მოძრაობა — დემოკრატები “. 2008-2012 წლებში იყო ევროპის რეკონსტრუქციის და განვითარების ბანკი. 2012-2015წლებში იყო სააქციო საზოგადოება „საპარტნიორო ფონდის“ აღმასრულებელი დირექტორი. 2015-2016 წლებში კი საქართველოს ეროვნული ბანკი, ფინანსური ზედამხედველობის საბჭოს თავმჯდომარე. 2016-2020 წლებში იყო საქართველოს მე-9 მოწვევის პარლამენტის წევრი პარტიული სიით, საარჩევნო ბლოკი: „ქართული ოცნება — დემოკრატიული საქართველო“.
2020 წლიდან 2023 წლის 24 მარტამდე იყო საქართველოს მე-10 მოწვევის პარლამენტის წევრი პარტიული სიით, საარჩევნო ბლოკი: „ქართული ოცნება — დემოკრატიული საქართველო“.[1]
რესურსები ინტერნეტში
რედაქტირება- ირაკლი კოვზანაძე — საქართველოს ბიოგრაფიული ლექსიკონი
- ირაკლი კოვზანაძე — საქართველოს პარლამენტის ოფიციალური საიტი (მოძველებული / არქივი / ახალი არქივი)
სქოლიო
რედაქტირება- ↑ ცენტრალურმა საარჩევნო კომისიამ საქართველოს პარლამენტის 2020 წლის 31 ოქტომბრის არჩევნები შეაჯამა. ცესკო (2020-12-03). დაარქივებულია ორიგინალიდან — 2020-12-15. ციტირების თარიღი: 19 დეკემბერი, 2020.