ილინდენის აჯანყება
ილინდენის აჯანყება — მაკედონიისა და ოდრინის თრაკიის მოსახლეობის აჯანყება ოსმალეთის იმპერიის წინააღმდეგ. აჯანყებას ხელმძღვანელობდა შიდა მაკედონურ-ოდრინული რევოლუციური ორგანიზაცია.
აჯანყება დაიწყო ილინ-დენის დროს, 1903 წლის 2 აგვისტოს. მოიცვა ძირითადად მაკედონიის სამხრეთ-დასავლეთი ნაწილი, ბიტოლის ვილაიეთი. აჯანყებულებმა დაიკავეს რამდენიმე სოფელი, ხოლო 4 აგვისტოს ნიკოლა კარევის ხელმძღვანელობით აიღეს ქალაქი კრუშევო და გამოაცხადეს კრუშევოს რესპუბლიკა, რომელმაც იარსება 13 აგვისტომდე.
20 ათასამდე ცუდად შეიარაღებულ აჯანყებულებს დაუპირისპირდა 200-ათასიანი თურქული არმია. აჯანყება სექტემბრის თვეში სასტიკად ჩაახშეს.