ილია მეჩნიკოვის სახელობის საოლქო კლინიკური საავადმყოფო
ილია მეჩნიკოვის სახელობის საოლქო კლინიკური საავადმყოფო ქალაქ დნეპრში — ერთ-ერთი უძველესი მულტიდისციპლინური სამედიცინო დაწესებულება უკრაინაში, სპეციალიზებული ქირურგიული დახმარების საოლქო ცენტრი.[3]
| ილია მეჩნიკოვის სახელობის საოლქო კლინიკური საავადმყოფო | |
|---|---|
 | |
| წინა სახელები | ეკატერინოსლავის გუბერნიის ზემსკის საავადმყოფო |
| ზოგადი ინფორმაცია | |
| შენობის ტიპი | დეცენტრალიზებული |
| ქვეყანა |
 უკრაინა |
| ქალაქი | დნეპრი |
| მისამართი | უკრაინა, 49005, ქალაქი დნეპრი, სობორნაიას 14 |
| კოორდინატები | 48°27′13″ ჩ. გ. 35°04′10″ ა. გ. / 48.4538694° ჩ. გ. 35.0695611° ა. გ. |
| დაიწყო | 1798[1] [2] |
| გაიხსნა | 11 მაისი 1798 |
| საიტი | |
| http://www.mechnikova.com/ | |
ისტორია
რედაქტირება
1998 წლის 11 მაისს საავადმყოფოს 200 წელი შეუსრულდა. 200 წლის იუბილეზე საავადმყოფოში შეიქმნა მუზეუმი, რომელიც მოწმობს მისი ეტაპობრივი განვითარების ისტორიაზე, დაწესებულების სამეცნიერო და პრაქტიკულ მიღწევებზე.
საარქივო დოკუმენტებში მითითებულია, რომ 1798 წლის 11 მაისს ქალაქ ეკატერინოსლავში დაარსდა ეკატერინოსლავის გუბერნიის საავადმყოფო.[4]
1 პერიოდი (1798-1867)
რედაქტირებაქალაქი ეკატერინოსლავი დაარსდა დნეპრის მარჯვენა სანაპიროზე 1787 წელს. ქალაქს სჭირდებოდა საავადმყოფო, რადგან წყალდიდობის გამო ხშირად ვრცელდებოდა ტიფისა და ქოლერის ეპიდემიები.
საავადმყოფოს ორგანიზება მოხერხდა 1798 წელს. მოეწყო 30 საწოლიანი „საქველმოქმედო დაწესებულება,“ რომელსაც ემსახურებოდა ერთი ექიმი. გარკვეული პერიოდის შემდეგ საავადმყოფომ საგუბერნიო სტატუსი მიიღო.
1800 წელს საავადმყოფოს პერსონალი 8 - მდე გაიზარდა და უკვე 50 საწოლი იყო. 1845 წელს აშენდა საავადმყოფოს ახალი 240 საწოლიანი შენობა. მკურნალობა ფასიანი იყო, რაც ძალიან მოუხერხებელი იყო ეკატერინოსლავის მოსახლეობის მცირე ნაწილისთვის (ასეთი კი საკმაოდ ბევრი იყო). ამის გამო ჰოსპიტალიზაციაზე უარის თქმის შემთხვევათა რაოდენობა 70%-ს აღწევდა.
მე-2 პერიოდი (1867-1917 წწ.)
რედაქტირება1867 წლიდან საავადმყოფოს ეწოდებოდა ეკატერინოსლავის გუბერნიის ზემსტოვოს საავადმყოფო, ვინაიდან ზემსტოვოს ადმინისტრაცია ზედამხედველობდა საავადმყოფოს მუშაობას.
1870 წელს საავადმყოფოში გაიხსნა ზემსტვოს საფერშლო სკოლა, რომელიც ყოველწლიურად 20 პარამედიკოსს უშვებდა.
1882 - დან 1915 წლამდე აქტიურად აშენდა საავადმყოფო და კომუნალური შენობები, გაიზარდა სამედიცინო მომსახურების მოცულობა და ხარისხი.
ამ პერიოდში გაიხსნა და ფუნქციონირება დაიწყო სხვადასხვა განყოფილებებმა. მათ შორის იყო: ფსიქიატრიული, სამშობიარო, ოფთალმოლოგიური განყოფილებები, გინეკოლოგიური და ქალთა ვენერიული განყოფილებბები, ობოლთა თავშესაფარი, რენტგენოლოგიური განყოფილება და სხვა.
მე-3 პერიოდი (1917-1945 წწ.)
რედაქტირება.jpg)
1916 წელს საავადმყოფოში ამოქმედდა ეკატერინოსლავის ქალთა უმაღლესი კურსები. რევოლუციის შემდეგ ეს კურსები გადაკეთდა სამედიცინო ინსტიტუტად.
1918 წლიდან სამედიცინო ინსტიტუტის კათედრებმა დაიწყეს მუშაობა საავადმყოფოს განყოფილებებმა ბაზაზე.
1918-1941 წლებში ქვეყანაში მიმდინარე სოციალურ-ეკონომიკურმა რეფორმებმა განაპირობა მატერიალურ-ტექნიკური ბაზის გაძლიერება, სამედიცინო პერსონალის კვალიფიკაციის ამაღლება და სამედიცინო მომსახურების ხარისხის გაუმჯობესება.
დიდი სამამულო ომის დროს საავადმყოფოს ბაზაზე დაჭრილი ჯარისკაცების სამკურნალოდ მოეწყო No3582 საევაკუაციო ჰოსპიტალი.
ყოფილი საევაკუაციო საავადმყოფოს შენობაზე 1986 წელს დამონტაჟდა მემორიალური ნიშანი.
ქალაქის განთავისუფლების შემდეგ საავადმყოფოს კოლექტივმა ფართომასშტაბიანი სამუშაოები ჩაატარა მის აღსადგენად.
1945 წელს, ი.ი.მეჩნიკოვის დაბადებიდან 100 წლისთავის აღსანიშნავად, საავადმყოფოს მიენიჭა დიდი მეცნიერის წოდება.
მე-4 პერიოდი (1945 — დღემდე)
რედაქტირებაჰოსპიტალმა მნიშვნელოვანი განვითარება განიცადა ომის შემდგომ წლებში. დღესდღეობით საავადმყოფო წარმოადგენს ოლქის მნიშვნელოვან ორგანიზაციულ, მეთოდოლოგიურ, საკონსულტაციო, დიაგნოსტიკურ და სამკურნალო ცენტრს, სამეცნიერო და პრაქტიკულ ბაზას დნეპერის სახელმწიფო სამედიცინო უნივერსიტეტის 13 განყოფილებისთვის.[5]
ბმულები
რედაქტირებასქოლიო
რედაქტირება- ↑ GRID Release 2018-02-08 — 2018-02-08 — 2018. — doi:10.6084/M9.FIGSHARE.5873451
- ↑ Mechnikov Hospital
- ↑ Риженко Сергій Анатолієвич. Архів оригіналу за 6 жовтня 2021. Процитовано 17 січня 2021. უკრ.
- ↑ ПРО НАС. m.mechnikova.com. Архів оригіналу за 7 грудня 2019. Процитовано 7 грудня 2019.უკრ.
- ↑ Проєкт Постанови Верховної Ради України про відзначення пам'ятних дат і ювілеїв у 2018 році (реєстр. № 7274 від 10.11.2017 р., поданий Народними депутатами України Єленським В. Є., Княжицьким М. Л., Лесюком Я. В.). Архів оригіналу за 4 лютого 2018. Процитовано 3 лютого 2018. უკრ.