იაპონური ენის ცოდნის დონეთა ტესტი (JLPT)

იაპონური ენის ცოდნის დონეთა ტესტი არის გამოცდის ერთ-ერთი ნაირ-სახეობა იაპონურ ენაში. ტესტი განკუთვნილია იმ უცხოელთათვის, ვისთვისაც იაპონური არ არის მშობლიური ენა, არამედ შეისწავლის მას, როგორც მეორე, მესამე და ა.შ. უცხოურ ენას.

იაპონური ენის ცოდნის დონეთა ტესტის სტანდარტი 1984 წელს შეიმუშავეს იაპონიის ფონდში [kokusai kōryū kikin] 国際交流基金, რომლის მეშვეობითაც შესაძლებელია ენის დაუფლების დონის საფეხურებრივი კვალიფიკაცია. ეს ტესტი ძირითადად ადგენს გამოსაცდელი პირის წერა-კითხვისა და აუდირების უნარ-ჩვევებს.

გამოცდის სახელწოდება

იაპონური ენის ცოდნის დონეთა ტესტი იაპონური სახელწოდებაა [nihongo nōryoku shiken] 日本語能力試験, მაგრამ უცხოელთა შორის უფრო გავრცელებულია მისი ინგლისურენოვანი სახელწოდება, – Japanese Language Proficiency Test. შესაბამისად გავრცელებულია ინგლისური აბრევიატურაც JLPT, ანუ ჯეი-ელ-ფი-თი.

გამოცდის შინაარსი

ტესტი იყოფა ოთხ განსხვავებულ დონედ, რომელსაც იაპონურად [kyū] 級 კჲუ ეწოდება.

ჯეტროს ტესტის შეფასების კრიტერიუმები

დონე	ნაწილები	ხანგრძლივობა	ქულები	შინაარსი	მონაწილეთა (2006) აკადემიური წარმატებების პროცენტული კვოტა
1 級 ikkyū იკკჲუ:	წერითი ვოკაბულარი აუდირება კითხვითი კომპეტენციები და გრამატიკა მთლიანად	40 წუთი 45 წუთი 90 წუთი 180 წუთი	100 100 200 400	(ზედა საფეხური(上級)) 2.000 კანჯი 10.000 სიტყვა 900 აკადემიური საათი ჩასაბარებლად საჭიროა: 70%	მონაწილეთა საერთო რაოდენობა: იაპონიაში: უცხოეთში: მთლიანად: 36.167 99.181 135.348 (45,9%) (32,0%) (35,7%)
2 級 nikyū ნიკჲუ:	წერითი ვოკაბულარი აუდირება კითხვითი კომპეტენციები და გრამატიკა მთლიანად	35 წუთი 40 წუთი 70 წუთი 145 წუთი	100 100 200 400	(საშუალო საფეხური (中級)) 1.000 კანჯი 6.000 სიტყვა 600 აკადემიური საათი ჩასაბარებლად საჭიროა: 60%	მონაწილეთა საერთო რაოდენობა: იაპონიაში: უცხოეთში: მთლიანად: 22.875 117.993 140.868 (44,5%) (33,0%) (34,9%)
3 級 sankyū სანკჲუ:	წერითი ვოკაბულარი აუდირება კითხვითი კომპეტენციები და გრამატიკა მთლიანად	35 წუთი 35 წუთი 70 წუთი 140 წუთი	100 100 200 400	(საწყისი საფეხური (初級)) 300 კანჯი 1.500 სიტყვა 300 აკადემიური საათი ჩასაბარებლად საჭიროა: 60%	მონაწილეთა საერთო რაოდენობა: იაპონიაში: უცხოეთში: მთლიანად: 11.015 94.057 105.072 (72,3%) (60,1%) (61,4%)
4 級 yonkyū ჲონკჲუ:	წერითი ვოკაბულარი აუდირება კითხვითი კომპეტენციები და გრამატიკა მთლიანად	25 წუთი 25 წუთი 50 წუთი 100 წუთი	100 100 200 400	(საბაზისო ცოდნა (初級前半)) 100 კანჯი 800 სიტყვა 150 აკადემიური საათი ჩასაბარებლად საჭიროა: 60%	მონაწილეთა საერთო რაოდენობა: იაპონიაში: უცხოეთში: მთლიანად: 2.823 53.249 56.072 (75,7%) (61,3%) (62,1%)

ტესტის წარმატებით ჩაბარების შემთხვევაში გამოცდის მონაწილეებს მიეცემათ ოფიციალური სერტიფიკატი იაპონიის ფონდისაგან (The Japan Foundation). სერტიფიკატების გაცემა ცენტრალიზებული წესით ხდება. სერტიფიკატების მიღების დრო ერთ წლამდეა გასაზღვრული.

რესურსები ინტერნეტში

• Nihongo nōryoku shiken - ჯეი-ელ-ფი-თი-ს ოფიციალური საიტი (იაპონურ და ინგლისურ ენებზე)
• იაპონიის ფონდი: იაპონიის ფარგლებს გარეთ არსებულ დაწესებულებათა სია-ჩამონათვალი, რომლებიც ტესტირებას ატარებენ. დაარქივებული 2010-02-14 საიტზე Wayback Machine. (ინგლისურ ენაზე)
• JEES Japan Educational Exchanges and Services: ინფორმაცია იაპონური ენის ცოდნის დონეთა ტესტის შესახებ. დაარქივებული 2009-05-31 საიტზე Wayback Machine. (ინგლისურ ენაზე)
• JLPT-ში მოსამაზადებელი საიტი ქარულ ენაზე.

იხილეთ აგრეთვე

• აზიისა და აფრიკის ინსტიტუტი
• იაპონოლოგია
• იაპონური კანჯის კომპეტენციათა ტესტი
• იაპონური ენა (T.JL)
• იაპონური საქმიანი კომუნიკაციის უნარ-ჩვევათა ტექსტი