იაილა

იაილა (თურქ. Yayla) — ყირიმის მთების ბრტყელი, პლატოსებური ზედაპირი. აგებულია ზედაიურული რიფული კირქვებით, რომლებიც ძლიერ დაკარსტულია. იაილებს საკუთარი სახელები აქვთ, აღსანიშნავია აი-პეტრის იაილა, ბაბუგან-იაილა, ჩათირდაღი და სხვა. ბაბუგან-იაილა ყირიმის მთების უმაღლესი მასივია. ზოგჯერ იაილას უწოდებენ მთლიანად ყირიმის მთებს. იაილა თურქულად ნიშნავს საზაფხულო საძოვარს. შუა აზიაში ეწოდება ჯაილიაუ. იაილას უწოდებენ აგრეთვე ყირიმის სამთო საზაფხულო საძოვრებს.

იაილა

იხილეთ აგრეთვე

• ყირიმის მთები

რესურსები ინტერნეტში

• იაილა — სტატია დიდი საბჭოთა ენციკლოპედიიდან (რუსული)

ლიტერატურა

• ქართული საბჭოთა ენციკლოპედია, ტ. 5, თბ., 1980. — გვ. 38.