იაზგულემის ქედი
იაზგულემის ქედი — ქედი ტაჯიკეთში, პამირის დასავლეთ ნაწილში. განფენილია მთიანი ბადახშანის ავტონომიური ოლქის ტერიტორიაზე, მდინარეებს იაზგულემსა და ბართანგს შორის. გადაჭიმულია დაახლოებით 170 კმ-ზე. საშუალო სიმაღლე შეადგენს 4500-6000 მ-ს. უმაღლესი წერტილია დამოუკიდებლობის პიკი (6974 მ). აგებულია ფიქლებით, ქვიშაქვებით, კირქვებითა და გრანიტებით. თხემზე მყინვარებია, რომელთა საერთო ფართობია დაახლოებით 630 კმ². ფერდობებზე გავრცელებულია ნახევარუდაბნოსა და მაღალმთის მეჩხერი მცენარეულობა.
| იაზგულემის ქედი | |
|---|---|
| კოორდინატები: 38°30′36″ ჩ. გ. 72°21′15″ ა. გ. / 38.51000° ჩ. გ. 72.35417° ა. გ. | |
| ქვეყანა |  ტაჯიკეთი
|
| უმაღლესი წერტილი | დამოუკიდებლობის პიკი |
| სიმაღლე | 6974 მ |
| სიგრძე | 170 კმ |
  | |
რესურსები ინტერნეტში
რედაქტირება- იაზგულემის ქედი — სტატია დიდი საბჭოთა ენციკლოპედიიდან (რუსული)