იაელ სტოუნი (ინგლ. Yael Stone; დ. 6 მარტი, 1985, სიდნეი, ავსტრალია) – ავსტრალიელი მსახიობი. აქტიურად მუშაობდა სიდნეის თეატრში, რის გამოც ორი ჯილდო აქვს მიღებული, თუმცა მას განსაკუთრებული პოპულარობა Netflix-ის სერიალში „ახლა ნარინჯისფერია ყველაზე მოდური“ შესრულებულმა ლორნა მორელოს როლმა მოუტანა. იგი ასევე ცნობილია იმით, რომ იცავს კლიმატსა და მხარს უჭერს აბორტის უფლებებს.

იაელ სტოუნი
დაბადების თარიღი 6 მარტი, 1985
სიდნეი, ავსტრალია
ეროვნება ავსტრალიელი
ალმა-მატერი დრამატული ხელოვნების ეროვნული უნივერსიტეტი
საქმიანობა მსახიობი
აქტიური 1999-დღემდე
მეუღლე(ები) დენ სპიელმანი
პარტნიორ(ებ)ი ჯეკ მენინგ ბანკროფტი
შვილ(ებ)ი 1

ბავშვობა და განათლება რედაქტირება

იაელ სტოუნი დაიბადა 1985 წლის 6 მარტს სიდნეიში. იგი არის არქიტექტორ ჰარი სტოუნისა და მისი ცოლის, ექთან ჯუდი სტოუნის შვილი[1]. აღსანიშნავია, რომ მამამისი ჩეხოსლოვაკეთში დაიბადა და წარმოშობით ჩეხი ებრაელია[2], რომლის ბებია-ბაბუაც ჰოლოკოსტის დროს გაიქცა ავსტრალიაში[3]. იაელის ორივე მშობელი წარმოშობით ებრაელია და იუდაიზმის მიმდევრები აირან[4]. მისი და-ძმა, ჯეიკ და ელენა სტოუნები, ორივენი მუსიკოსები არიან[5].

სასკოლო განათლების შემდეგ სტოუნმა სწავლა ავსტრალიის დრამატული ხელოვნების ეროვნულ უნივერსიტეტში გააგრძელა სამსახიობო მიმართულებით[6].

კარიერა რედაქტირება

სტოუნის სამსახიობო კარიერა ჯერ კიდევ მის ბავშვობაში დაიწყო, როდესაც მონაწილეობა მიიღო ფილმში „მე, ჩემი თავი, მე“, რასაც მინისერიალ „ფერმაში“[5] მიღებული როლი მოჰყვა. ამის შემდეგ იგი ძირითადად სიდნეის თეატრში მუშაობდა, სადაც 2008 წელს მიიღო ჯილდო ნომინაციაში „საუკეთესო ახალბედა“. ამის პარალელურად იგი ტელევიზიაში მუშაობდა და მონაწილეობდა რამდენიმე პროექტში. 2010-11 წლებში იგი თამაშობდა სერიალ „შეშლილის დღიურებში“. ამ სერიალის გადაღებების დასრულების შემდეგ მან დატოვა სამშობლო და ნიუ იორკში გადასახლდა.

2011 წელს, ნიუ იორკში ახლად ჩასულმა სტოუნმა მუშაობა ექსპერიმენტალურ თეატრში დაიწყო[5]. ოთხთვიანი მსახიობობის შემდეგ იგი ადგილობრივი რეჟისორების ყურადღების ცენტრში მოექცა და 2013 წელს დაამტკიცეს Netflix-ის სერიალ „ახლა ნარინჯისფერია ყველაზე მოდურის“ ერთ-ერთ მთავარ, ლორნა მორელოს როლზე. ეს სერიალი ნიუ ჯერსიში მდებარე ლიჩფილდის ციხეში მცხოვრები ქალების ისტორიას მოგვითხრობს, რომლის გადაღებებიც 2019 წელს დასრულდა[6]. ლორნას როლმა აიელ სტოუნს საოცარი პოპულარობა და გამოცდილება მოუტანა. აღსანიშნავია, რომ მისი პერსონაჟი თავიდან ეპიზოდური იყო, თუმცა მისი შესრულება იმდენად მოეწონათ, რომ რეგულარულ პერსონაჟად გადააკეთეს[7].

პირადი ცხოვრება რედაქტირება

2012 წელს იაელ სტოუნი ნიუ იორკში დაქორწინდა ასევე ავსტრალიელ მსახიობ დენ სპიელმანზე[8]. 2017 წელს სტოუნმა ინტერვიუში განაცხადა, რომ იგი სპიელმანს 2016 წელს გაეყარა და ამბავს ერთი წლის განმავლობაში მალავდა[9]. ამავე ინტერვიუში განაცხადა, რომ იგი ათეისტია[10]. ამავე წელს მან ურთიერთობა დაიწყო ჯენ მენინგ ბანკროფტთან. 2017 წლის 23 ნოემბერს იაელმა გამოაცხადა, რომ მისგან ბავშვს ელოდებოდა[11], რომელიც 2018 წლის 30 მაისს გააჩინა. წყვილმა პატარა გოგონას პემუ სტოუნ-ბანკროფტი დაარქვეს[12].

2018 წლის 16 დეკემბერს New York Times-ში გამოქვეყნდა სტატია, სადაც იაელ სტოუნი 2010-11 წლებში ავსტრალიელ მსახიობ ჯეფრი რაში სექსუალური ხასიათის ძალადობაში დაადანაშაულა და სამშობლოს დატოვების მიზეზადაც ეს დაასახელა.

2020 წლის ავსტრალიის ხანძრის გამო, იაელმა უარი თქვა აშშ-ს მოქალაქეობაზე და სამშობლოში დაბრუნდა კლიმატის დაცვის მიზნით. ამ ფაქტს თავად მან ,,კლიმატის ომი უწოდა.

რესურსები ინტერნეტში რედაქტირება

სქოლიო რედაქტირება

  1. McGuire, Michaela (2 May 2015). "The 'kooky' life of Orange Is the New Black's Yael Stone".
  2. "A Golem Story (interview with Yael Stone)". 18 May 2011.
  3. McGuire, Michaela (2 May 2015). "The 'kooky' life of Orange Is the New Black's Yael Stone". The Saturday Paper. Retrieved 24 August 2015.
  4. 'I'd rather be invisible': Orange is the New Black star Yael Stone speaks about stardom | West Coast Sentinel. დაარქივებულია ორიგინალიდან — 2021-02-26. ციტირების თარიღი: 2020-02-13.
  5. 5.0 5.1 5.2 Spring, Alexandra (12 December 2011). "Actress Yael Stone bites the acting bullet დაარქივებული 2014-12-15 საიტზე Wayback Machine. ". Vogue Australia. Retrieved 25 April 2014.
  6. 6.0 6.1 Cronin, Seanna (2 November 2013). "Yael Stone takes lead in Orange is the New Black დაარქივებული 2014-04-26 საიტზე Wayback Machine. ". The Toowoomba Chronicle. Retrieved 25 April 2014.
  7. Andreeva, Nellie (6 November 2013). "Yael Stone Upped To Regular On 'Orange', Jonathan Adams On 'Last Man Standing'". Deadline Hollywood. Retrieved 14 June 2014.
  8. Groves, Don (15 July 2013). "Orange is the New Black for Yael Stone დაარქივებული 2017-06-17 საიტზე Wayback Machine. ". IF Magazine. Retrieved 25 April 2014.
  9. Stone, Yael (6 July 2017). "For the record; my marriage ended a year ago. An awkward but necessary clarification. I've got amazing people by my side and ❤️ in my heart". Twitter. Retrieved 6 July 2017.
  10. "Orange is the New Black's Yael Stone Explores Childhood's End დაარქივებული 2018-06-15 საიტზე Wayback Machine. ". 11 December 2015.
  11. chillifm.com.au. "Actress Yael Stone expecting first baby დაარქივებული 2018-06-15 საიტზე Wayback Machine. ". www.chillifm.com.au. Retrieved 1 December 2017.
  12. "'/Orange Is the New Black' Star Welcomes Baby Girl". Celebrity Moms. Retrieved 15 June 2018.