თელავის აეროპორტი
თელავის ერეკლე II-ის სახელობის აეროპორტი — ადგილობრივი მნიშვნელობის აეროპორტი საქართველოს ქალაქ თელავში. ქალაქიდან ჩრდილო-აღმოსავლეთით 2 კილომეტრითაა დაშორებული. აეროპორტი საქართველოს საავიაციო უნივერსიტეტის კუთვნილებაშია. აეროპორტის გახსნის დღეს, Piper Seneca, Cessna 152 და A-22-ის ტიპის საჰაერო ხომალდებით საჩვენებელი ფრენა გაიმართა. სულ, აეროპორტის ავიაპარკში 6 თვითმფრინავი და შვეულმფრენია. აეროპორტიდან რეგულარული რეისები 2016 წლის აპრილის მონაცემებით ჯერ არ ხორციელდება, თუმცა ადმინისტრაცია მზადაა მოთხოვნის შემთხვევაში შიდა და საერთაშორისო ჩარტერული რეისები განახორციელოს.[1]
თელავის ერეკლე II-ის სახელობის აეროპორტი
| ||
|---|---|---|
ინფორმაცია
| ||
| ტიპი | სასწავლო | |
| მფლობელი | საქართველო | |
| ოპერატორი | საავიაციო უნივერსიტეტი | |
| ადგილმდებარეობა | თელავი | |
| სიმაღლე ზდ | 440 | |
| კოორდინატები | 41°57′12″ ჩ. გ. 45°30′33″ ა. გ. / 41.953361° ჩ. გ. 45.509278° ა. გ. | |
ასაფრენ-დასაჯდომი ბილიკი (ადბ)
| ||
| ნომერი | ზომები | საფარი |
| 1 700 | ||
.svg)
აეროპორტში, საავიაციო უნივერსიტეტის სტუდენტები საფრენო მომზადებას გაივლიან. აეროპორტს გააჩნია სანავიგაციო კოშკურა, მგზავრების განყოფილება და საერთო საცხოვრებელი პილოტებისა და ტექნიკური პერსონალისთვის.[1]
სქოლიო რედაქტირება
- ↑ 1.0 1.1 В Телави открыли аэропорт «Мимино» (2016-04-25). ციტირების თარიღი: 2016-04-25.[მკვდარი ბმული]