ზეციური სამეფო
ზეციური სამეფო (ინგლ. Kingdom of Heaven) — 2005 წლის ამერიკული მხატვრული ფილმი. რეჟისორი რიდლი სკოტი. სცენარისტი უილიამ მონაჰენი. ფილმში მთავარ როლებს ორლანდო ბლუმი, ევა გრინი, ჰასან მასუდი, ჯერემი აირონსი, დევიდ თიულისი, ბრენდან გლისონი, ედვარდ ნორტონი და ლიამ ნისონი ასრულებენ.
| „ზეციური სამეფო“ | |
|---|---|
| ინგლ. Kingdom of Heaven | |
| ჟანრი | დრამა |
| პრემიერა | 2005 |
| ქვეყანა | |
| ენა | |
| ბიუჯეტი | $130 მლნ |
| შემოსავალი | $218 მლნ |
| საიტი | Kingdom of Heaven on IMDB |
.svg){kind=small}
სიუჟეტი ისტორიულ მოვლენებს ეფუძნება, რომლებიც 1189–1192 წლების მესამე ჯვაროსნულ ლაშქრობას წინ უძღოდა : ომი იერუსალიმის სამეფოსა და აიუბიდებს შორის, იერუსალიმის ალყა ეგვიპტის სულთან სალადინის მიერ.
გადაღებები მაროკოს ქალაქ უარზაზატში მიმდინარეობდა. ფილმის შემოსავალმა $218 მილიონი შეადგინა.
ფილმის რეჟისორული ნამუშევარი 2005 წლის 23 დეკემბერს გამოვიდა და საყოველთაო აღიარება კინოკრიტიკოსებისგან მიიღო. მას ფილმის საუკეთესო და საბოლოო ვერსია ეწოდა.
სიუჟეტი
რედაქტირებამეუღლის უეცარი სიკვდილის გამო დამწუხრებული სოფლის მჭედელი ბალიანი დიდი ხნის განშორებულ მამას ბარონ გოდფრის რაზმს უერთდება, როგორც ჯვაროსანი და იერუსალიმის გზას უდგება. წმინდა ქალაქში სახიფათო მოგზაურობის შემდეგ, მამაცი ახალგაზრდა ქალაქს მეფე ბალდუინ IV-ის თანხლებით ეწვევა. მეფის გარემოცვა სავსეა ისეთი ადამიანებით, რომლებმაც შესაძლოა ყოველ წამს უღალატონ მას. აღნიშნულ გარემოცვას მეფის დის - სიბილას - მეუღლე და ტამპლიერთა ორდენის მფლობელი გი დე ლუზინიანი ხელმძღვანელობს. მას საკუთარი პოლიტიკური და პირადი სარგებლისთვის მუსლიმების წინააღმდეგ ომის წამოწყება სურს.
როლებში
რედაქტირება| მსახიობი | პერსონაჟი |
| ორლანდო ბლუმი | ბალიან დე იბელინი |
| ალექსანდრე სიდიგი | იმადი |
| ბრენდან გლისონი | რენო დე შატიიონი |
| ჰასან მასუდი | სალაჰ ად-დინი |
| ედვარდ ნორტონი | იერუსალიმის მეფე ბალდუინ IV |
| ევა გრინი | იერუსალიმის დედოფალი სიბილა |
| ლიამ ნისონი | გოდფრიდი იბელინიდან |
რესურსები ინტერნეტში
რედაქტირება- ↑ 1.0 1.1 Person Profile // კინოფილმების ინტერნეტ-მონაცემთა ბაზა — 1990.