ვოპროსი იაზიკოზნანია (ჟურნალი)
ვოპროსი იაზიკოზნანია (რუს. «Вопросы языкознания» „ენათმეცნიერების საკითხები“) — რუსეთის მთავარი საენათმეცნიერო ჟურნალი, რომელიც გამოდის რუსეთის მეცნიერებათა აკადემიის ისტორიულ-ფილოლოგიური განყოფილების ეგიდით.
ჟურნალის პერიოდულობა წელიწადში 6 ნომრით შემოიფარგლება. „ვოპროსი იაზიკოზნანია“ გამოდის 1952 წლიდან, ენათმეცნიერების ყველა ნაწილში აქვეყნებს თეორიული ხასიათის სტატიებს, მიმოხილვებს, რეცენზიებს.
ამჟამად ჟურნალის რედაქტორი არის რუსეთის მეცნიერებათა აკადემიის წევრ-კორესპონდენტი ტ. ნ. ნიკოლაევა, ხოლო მთავარი რედაქტორის მოადგილეები კი რუსეთის მეცნიერებათა აკადემიის წევრ-კორესპონდენტები ვ. ა. ვინოგრადოვი და ა. ე. კიბრიკი არიან.
ჟურნალ „ვოპროსი იაზიკოზნანიას“ რედაქცია მდებარეობს ქალაქ მოსკოვში.