ვიკიპედია:სანიმუშო სტატიები

მოგესალმებით  ·   მასწავლებელი  ·   ცნობარი  ·   სარჩევი  ·   დახმარება  ·   ფორუმი

სანიმუშო სტატიებად ითვლება ვიკიპედიის ის სტატიები, რომლებიც პროექტის მონაწილეთა აზრით შესაძლებლობის ფარგლებში ყველაზე სრულად პასუხობს ვიკიპედიის მოთხოვნებს, ანუ ისინი აკმაყოფილებს შემდეგ პირობებს:

შინაარსი

• სტატია დასრულებულ წარმოდგენას უნდა იძლეოდეს სტატიის საგანზე, უნდა აღწერდეს მასთან დაკავშირებულ ყველა მნიშვნელოვან ფაქტს და დეტალს.
• ყველა გადმოცემული ცნობა უნდა იყოს სარწმუნო და კონკრეტული.
• სტატიის პირველი წანადადება უნდა შეიცავდეს განსახილველი ცნების მოკლე და ცხად განსაზღვრებას.
• სტატიის შინაარსი უნდა იყოს სტაბილური, მასში გადმოცემული თვალსაზრისი - საყოველთაოდ გაზიარებული. სანიმუშო სტატია არ უნდა იწვევდეს კამათს, დაწერილი იყო ნეიტრალური თვალსაზრისის პრინციპით.
• სტატიაში უნდა იყოს მითითებები თანამედროვე ავტორიტეტულ ლიტერატურულ წყაროებზე.

ენა

• სტატია დაწერილი უნდა იყოს მეცნიერულ სტილში ქართული ლიტერატურული ნორმების დაცვით.
• მასში არ უნდა იყოს ორთოგრაფიული, გრამატიკული და სტილისტური შეცდომები.
• სტატია ტერმინოლოგიურად გამართული უნდა იყოს, ამასთან მისი გაგება უნდა შეეძლოს არასპეციალისტსაც.

ფორმა

• სანიმუშო სტატია არ უნდა იყოს არც ძალიან მოკლე, არც ძალიან გრძელი. მისი ზომა უნდა შეესაბამებოდეს განსახილველი საკითხის მოცულობას.
• სტატია ფორმატირებული უნდა იყოს ვიკიპედიის წესების შესაბამისად, იყოს ვიკიფიცირებული (ჰქონდეს ლოკალური და ინტერვიკი ბმულები).
• სტატიას უნდა ჰქონდეს მკაფიო და ლოგიკური სტრუქტურა.
• თუ თემატიკა ამის საშუალებას იძლევა, სტატია უნდა გაფორმდეს ხარისხიანი გრაფიკული მასალებით (სურათები, რუკები, გრაფიკები).

ორიგინალურობა

• სანიმუშო სტატია უნდა იყოს ორიგინალური ტექსტი და არა რომელიმე თავისუფალი წყაროდან სიტყვასიტყვით გადმოწერილი. მაგრამ ეს არ ნიშნავს იმას, რომ იგი უნდა იყოს ორიგინალური გამოკვლევა.

იურიდიული გამართულობა

• სტატიაში გამოყენებული ნებისმიერი გამოსახულება უნდა იყოს უზადო კანონიერების თვალსაზრისით, ანუ არ უნდა იყოს დაცული რაიმე ლიცენზიით, რომელიც მის გამოყენებას კრძალავს ვიკიპედიაში.