ვიკივოიაჟი
ვიკივოიაჟი (საერთაშორისო სახელწოდება — Wikivoyage) — არაკომერციული, ღია მრავალენოვანი პროექტი, რომელიც ეძღვნება ტურიზმსა და თავისუფალი მეგზურების შექმნას. 2012 წლის ნოემბრიდან Wikivoyage ბეტა-ტესტირების რეჟიმში ფონდ ვიკიმედიის პროექტი გახდა, ხოლო 2013 წლის 15 იანვრიდან გაიხსნა ოფიციალურად როგორც ფონდის რიგით მე-12 პროექტი. Wikivoyage იყენებს MediaWiki-ის თავისუფალ პროგრამულ უზრუნველყოფას — ისეთივეს, როგორსაც ვიკიპედია, და ზოგადად, Wikimedia Foundation-ის დანარჩენი პროექტები. 2003 წელს მეუღლეებმა ევან და მიშელ პროდრომუმ დააფუძნეს პროექტი Wikitravel-ი. 3-წლიანი წარმატებული განვითარების შემდეგ, კერძოდ, 2006 წელს მიჰყიდეს ამერიკულ კომპანია Internet Brands-ს. ამ მოვლენასთან დაკავშირებით იმავე წელს Wikitravel-ის გერმანულმა და იტალიურმა საზოგადოებებმა შექმნეს მისი ფორკი — Wikivoyage. საიტზე რეგისტრაცია არ არის სავალდებულო. ამჟამად Wikivoyage მოქმედებს 16 აქტიურ ენაზე, რომელთაგან ქართული განყოფილება (ვიკივოიაჟი), ჯერჯერობით ინკუბატორშია.
| ვიკივოიაჟი | |
|---|---|
 | |
 | |
| კომერციულობა | არა |
| საიტის ტიპი | Wiki |
| რეგისტრაცია | არასავალდებულო |
| ხელმისაწვდომი ენა | 16 აქტიური განყოფილება (ინგლისური, ჩინური, ნიდერლანდური, ფრანგული, გერმანული, ბერძნული, ებრაული, იტალიური, პოლონური, პორტუგალიური, რუმინული, რუსული, ესპანური, შვედური, უკრაინული, ვიეტნამური) |
| შინაარსის ლიცენზია | CC-BY-SA 3.0 |
| შემქნელი | Wikivoyage e.V. association |
| გაეშვა | 15 იანვარი, 2013 |
| Alexa-ს რეიტინგი |
 22,183 (დეკემბერი 2013) |
იხილეთ აგრეთვე
რედაქტირებარესურსები ინტერნეტში
რედაქტირება- Wikivoyage.org — ონლაინ გზამკვლევი
- გზამკვლევი Wikimedia meta-wiki-ზე