ვესტ ბრომვიჩ ალბიონი (საფეხბურთო კლუბი)

საფეხბურთო კლუბი „ვესტ ბრომვიჩ ალბიონი“ (ინგლ. West Bromwich Albion Football Club; ინგლისურად გამოითქმის: [wɛst ˈbrɒmɨdʒ]) — ინგლისური საფეხბურთო კლუბი. დაარსდა 1878 წელს, უესტ-ბრომიჩში, უესტ-მიდლენდსის საგრაფო. ასპარეზობს ინგლისის პრემიერლიგაში. 1900 წლიდან საშინაო მატჩებს ატარებს სტადიონ ჰოტორნსზე.

ვესტ ბრომვიჩ ალბიონი

სრული სახელი	West Bromwich Albion F.C.
მეტსახელი	The Baggies (ტომრები), The Throstles (იადონები), Albion (ალბიონი), West Brom (ვესტ ბრომი)
დაარსდა	1878
სტადიონი	ჰოტორნსი უესტ-ბრომიჩი, ინგლისი (ტევადობა: 26, 852 მაყურებელი)
პრეზიდენტი	ჯონ უილიამსი
მწვრთნელი	ტონი პიულისი
კაპიტანი	დარენ ფლეტჩერი
ლიგა	პრემიერლიგა
2016-17	მე-10 ადგილი
საიტი	ოფიციალური საიტი
ძირითადი ფორმა რეზერვის ფორმა მესამე ფორმა

1888 წელს, „ვესტ ბრომი“ იყო ინგლისის საფეხბურთო ჩემპიონატის დამაარსებელ კლუბებს შორის. არსებობის ძირითადი ნაწილი გატარებული აქვს ინგლისის უმაღლესი დონის ჩემპიონატში. ინგლისის ჩემპიონი გახდა ერთხელ, 1919-20 წლების სეზონში, მეორე ადგილი დაიკავა ორჯერ. ინგლისის ასოციაციის თასის გამარჯვებული გახდა 5-ჯერ. პრემიერლიგაში გამოდიოდა 1888 წლიდან და ბოლო მნიშვნელოვანი ჯილდო მოიპოვა 1968 წელს. 1966 წელს, ინგლისის ლიგის თასზე პირველი გამოსვლისას, შეძლო თასის დაუფლება. ინგლისის უმაღლეს დივიზიონში დაქვეითების გარეშე გატარებული აქვს ზედიზედ ოცდაოთხი წელი, 1949-1973 წლებში, 1986-2002 წლებში გაატარა ყველაზე დიდი დრო უმაღლეს დივიზიონში ასპარეზობის გარეშე.

კლუბის ისტორიის დიდ ნაწილში კლუბი თამაშობდა ლურჯ და თეთრ ზოლიანი ფორმით. კლუბის ლოგოზე გამოსახულია იადონი კუნელის ტოტზე. „ვესტ ბრომვიჩ ალბიონს“ დაპირისპირების ხანგრძლივი ისტორია აქვს უესტ-მიდლენდსის სხვა კლუბებთან. მისი ისტორიული მეტოქეები არიან „ასტონ ვილა“ და „ვულვერჰემპტონ უონდერერსი“, ამ უკანასკნელთან დაპირისპირებას შავი ქალაქის დერბი ეწოდება.

ტიტულები

პირველი დივიზიონი (ახლანდელი პრემიერლიგა)

• ჩემპიონი (1): 1919/20
• მე-2 ადგილი (2): 1924/25, 1953/54

მეორე დივიზიონი (ახლანდლი საფეხბურთო ლიგის ჩემპიონატი)

• ჩემპიონი (3): 1901/02, 1910/11, 2007/08
• მე-2 ადგილი (5): 1930/31, 1948/49, 2001/02, 2003/04, 2009/10

ინგლისის ასოციაციის თასი

• გამარჯვებული (5): 1888, 1892, 1931, 1954, 1968,
• ფინალისტი (5): 1935 1887, 1895, 1912, 1935

„ვესტ ბრომის“ ფეხბურთელები აღნიშნავენ ასოციაციის თასის მოგებას, 1931 წ.

ინგლისის ლიგის თასი

• გამარჯვებული (1): 1966
• ფინალისტი (2): 1967, 1970

ინგლისის სუპერთასი

• გამარჯვებული (2): 1920, 1954 (გაზიარებული ტიტული)
• ფინალისტი (2): 1931, 1968

რესურსები ინტერნეტში

• ოფიციალური საიტი
• ვესტ ბრომვიჩ ალბიონი Twitter-ზე
• კლუბის პროფილი Soccerway-ზე
• კლუბის პროფილი Transfermarket-ზე