ვერა ვასილიევა
ვერა ვასილიევა (რუს. Вера Кузьминична Васильева; დ. 30 სექტემბერი, 1925, მოსკოვი, (რსფსრ, სსრკ) — გ. 8 აგვისტო, 2023, მოსკოვის ოლქი, რუსეთი) — საბჭოთა და რუსი მსახიობი. სსრკ სახალხო არტისტი (1986). I და III ხარისხის სტალინური პრემიის ლაურეატი (1948, 1951).
ვერა ვასილიევა | |
---|---|
დაბადების თარიღი |
30 სექტემბერი, 1925 მოსკოვი, (რსფსრ, სსრკ) |
გარდაცვალების თარიღი |
8 აგვისტო, 2023 (97 წლის) მოსკოვის ოლქი, რუსეთი |
ეროვნება | რუსი |
მოქალაქეობა | სსრკ, რუსეთი |
საქმიანობა | მსახიობი |
აქტიური | 1945-2023 |
ჯილდოები | სსრკ სახალხო არტისტი |
ბიოგრაფია რედაქტირება
ვერა ვასილიევა დაიბადა მოსკოვში 1925 წლის 30 სექტემბერს. მამამისი სოფლიდან იყო, დედა კი — ქალაქელი. ბავშვობაში ვერა დიდ დროს ატარებდა მამის სამშობლოში, კალინინის რაიონის სოფელში. დიდი სამამულო ომის დროს ვერა მოსკოვში მამასთან ერთად დარჩა. უფროსი დები სხვადასხვა ქალაქებში გააგზავნეს პროფესიების მიხედვით სამუშაოდ, დედა და უმცროსი ძმა ევაკუაციით ბაშკირეთის სოფელში მოხვდნენ. მამა სამხედრო ქარხსნაში მუშაობდა, სადაც ვერაც დადიოდა სამუშაოდ.
1943 წელს ვერა ვასილიევა შევიდა მოსკოვის თეატრალურ სასწავლებელში.[1] 1948 წელს დაამთავრა რევოლუციის თეატრთან (ახლანდელი მოსკოვის მაიაკოვსკის სახელობის აკადემიური თეატრი) არსებული თეატრალური სასწავლებელი. კინოში მისი დებიუტი ჯერ კიდევ სწავლის პერიოდში, 1945 წელს შედგა, ეპიზოდური როლით, ფილმში „ტყუპები“. პირველი დიდი როლი კი 1947 წელს შეასრულა ივან პირიევის ფილმში „თქმულება ციმბირის მიწაზე“, რომლისთვისაც 1948 წელს I ხარისხის სტალინური პრემია მიიღო.
1948 წლიდან მოსკოვის სატირის თეატრის მსახიობია. თეატრში მან 60-ზე მეტი როლი შეასრულა. პარალელურად იღებდნენ კინოშიც. მისი ფილმოგრაფია 40-ზე მეტ სურათს ითვლის.
20 წლის განმავლობაში იყო რუსეთის ფედერაციის თეატრალურ მოღვაწეთა კავშირის მდივანი და სოციალურ-საყოფაცხოვრებო კომისიის თავმჯდომარე. ეხმარებოდა კოლეგებს რთულ ცხოვრებისეულ სიტუაციებში. იყო ასევე რუსეთის კინემატოგრაფიული ხელოვნებისა და მეცნიერების ეროვნული აკადემიის აკადემიკოსი.[2]
1979 წლიდან იყო საბჭოთა კავშირის კომუნისტური პარტიის წევრი.[3]
გარდაიცვალა 2023 წლის 8 აგვისტოს თავის აგარაკზე, მოსკოვის მახლობლად. დაკრძალულია ნოვოდევიჩის სასაფლაოზე.
ფილმოგრაფია რედაქტირება
წელი | ქართულად | მშობლიური სახელწოდება | როლი | |
---|---|---|---|---|
1947 | ფ | თქმულება ციმბირის მიწაზე | Сказание о земле Сибирской | ანასტასია გუსენკოვა |
1953 | ფ | ქორწილი მზითვით | Свадьба с приданым | ოლგა სტეპანოვა |
1953 | ფ | ჩუკი და გეკი | Чук и Гек | დედა |
1965 | ფ | კბილის ექიმის თავგადასავალი | Похождения зубного врача | ლასტოჩკინა |
1965 | ფ | დევნა | Погоня | შურა |
1972-1975 | ფ | გამოძიებას წარმართავენ ზნა-ტო-კე-ბი | Следствие ведут ЗнаТоКи | მარგარიტა, ზნამენსკის დედა |
1975 | ფ | 29 წლის გაზაფხული | Весна двадцать девятого | სოფია |
1982 | ფ | ცოლიანი მარტოხელა | Женатый холостяк | მარია, გურამის მეუღლე |
1983 | ფ | როგორ ვიყავი ვუნდერკინდი | Как я был вундеркиндом | ბებია |
1984 | ფ | ნაბრძანებია ცოცხლად აყვანა | Приказано взять живым | კუზმინიჩნა |
1997 | ფ | ბაბუაწვერას ღვინო | Вино из одуванчиков | ესთერი |
2012 | ფ | სანამ გვიმრა ყვავის | Пока цветёт папоротник | იგორ კნიაზევის ბებია |
ჯილდოები და აღიარება რედაქტირება
- 1948 I ხარისხის სტალინური პრემია
- 1951 III ხარისხის სტალინური პრემი
- 1954 რსფსრ დამსახურებული არტისტი
- 1970 რსფსრ სახალხო არტისტი
- 1986 სსრკ სახალხო არტისტი
- 1995 ღირსების ორდენი
- 2015 მეგობრობის ორდენი
- შრომის წითელი დროშის ორდენი
რესურსები ინტერნეტში რედაქტირება
სქოლიო რედაქტირება
- ↑ Вера Васильева: хочу играть. დაარქივებულია ორიგინალიდან — 2023-08-19. ციტირების თარიღი: 2023-08-19.
- ↑ Список членов Национальной Академии кинематографических искусств и наук России
- ↑ ВАСИЛЬЕВА Вера Кузьминична