ვასკო და გამა (პორტ. Vasco da Gama; დ. 1460 ან 1469 — გ. 24 დეკემბერი, 1524) — პორტუგალიელი მოგზაური, რომელმაც პირველად გაცურა ევროპიდან ინდოეთამდე, კეთილი იმედის კონცხის გავლით. ვასკო და გამამ კონცხს დეკემბერში შემოუარა და აღმოსავლეთის მიმართულებით იცურა აფრიკის აღმოსავლეთ სანაპიროზე მდებარე მალინდიმდე. აქ ლოცმანი აიყვანა და მას ფლოტის ინდოეთის ოკეანეში შეყვანა დაავალა. ინდოეთში მისდამი დიდი პატივისცემა არ გამოუხატავთ, თუმცა პორტუგალიაში გმირად მიიღეს, რადგან ქვეყანამ ამ ახალი გზით სანელებლებით სარფიანად ვაჭრობისა და აღმოსავლეთის მიწების კოლონიზების შესაძლებლობა მიიღო.

ვასკო და გამა
მშობლიური სახელი Vasco da Gama
დაბადების თარიღი 1460/1469
სინესი (პორტუგალია)
გარდაცვალების თარიღი 1524
კოჩი
ეროვნება პორტუგალიელი
საქმიანობა მოგზაური
ხელმოწერა

პირველი მოგზაურობა რედაქტირება

 
მოგზაურობის მარშრუტი

1488 წელს პორტუგალიაში დაბრუნებულმა ბარტოლომეუ დიაშმა საანგარიშო მოხსენებაში დაადასტურა, რომ არსებობდა ინდოეთისაკენ მიმავალი საზღვაო გზა. მიუხედავად ამისა, 10 წელი მაინც გავიდა, ვიდრე კიდევ ერთი ექსპედიცია გაიგზავნებოდა. 1497–98 წლებში ოთხმა კარგად აღჭურვილმა გემმა, რომელთაც ვასკო და გამა მეთაურობდა სამხრეთ აფრიკისკენ, მერე კი ჩრდილოეთით, აღმოსავლეთ სანაპიროზე აიღო გეზი. მიუხედავად იმისა, რომ ქარიშხალი და ოკეანის ძლიერი დინებები მოგზაურობას აძნელებდა, ფლოტმა მაინც მიაღწია მალინდიმდე. აქ ვასკო და გამამ დაიქირავა ლოცმანი. 23 დღის შემდეგ მიაღწია ინდოეთის დასავლეთ სანაპიროს. პორტუგალიელთა იმედი, რომ კალკუტაში სანელებლებს იყიდდნენ, გაცრუვდა, რაჯამ სანაცვლოდ ოქრო მოითხოვა. ვასკო და გამა იძულებული გახდა, უკან გამობრუნებულიყო.

1515 წელს მეფე მანუელ I-მა ვასკო და გამას მოგზაურობის უკვდავსაყოფად ლისაბონში ბელენის ციხესიმაგრე ააგო. 1524 წელს ვიცე-მეფედ დაინიშნა, თუმცა ჩასვლიდან რამდენიმე თვეში გარდაიცვალა.

რესურსები ინტერნეტში რედაქტირება

 
ვიკისაწყობში არის გვერდი თემაზე: