ვარდიკო ნადიბაიძე

ვარდენ ნადიბაიძე (დ. 31 მარტი, 1939, მლეთა) — ქართველი სამხედრო მოღვაწე, გენერალ-ლეიტენანტი, საქართველოს თავდაცვის მინისტრი 1994 წლის 25 აპრილიდან 1998 წლის 27 აპრილამდე. საპატიო ნიშნისა და წითელი ვარსკვლავის ორდენების კავალერი.

ვარდენ ნადიბაიძე
საქართველოს თავდაცვის მინისტრი
თანამდებობაზე ყოფნის დრო
25 აპრილი, 1994 – 27 აპრილი, 1998
პრეზიდენტი	ედუარდ შევარდნაძე
წინამორბედი	გიორგი ყარყარაშვილი
მემკვიდრე	დავით თევზაძე
დაბადებული	31 მარტი, 1939 (1939-03-31) მლეთა, საქართველოს სსრ
მოქალაქეობა	სსრკ →  საქართველო
ეროვნება	ქართველი
მამა	მიხეილ ნადიბაიძე
დედა	სიდონია ნადიბაიძე
მეუღლე	სუსანა ნადიბაიძე
შვილები	2
განათლება	რიაზანის სამხედრო-საავტომობილო სასწავლებელი
წოდება	გენერალ-ლეიტენანტი
საქმიანობა	სამხედრო
ჯილდოები

ბიოგრაფია

ვარდიკო ნადიბაიძე დაიბადა 1939 წლის 31 მარტს სოფელ მლეთაში, დუშეთის რაიონში, მიხეილ და სიდონია ნადიბაიძეების ოჯახში. დაამთავრა რიაზანის სამხედრო საავტომობილო სასწავლებელი 1961 წელს. 1967-1972 წლებში სწავლობდა ა. ვ. ხრულიოვის სახელობის ზურგის სამსახურის და ტრანსპორტის სამხედრო აკადემიაში (ლენინგრადი). აკადემიის დამთავრებისთანავე დაინიშნა ამიერკავკასიის სამხედრო ოლქში მე-4 საერთო-საჯარისო არმიის 75-ე მოტომსროლელი დივიზიის 34-ე მოტომსროლელი პოლკის საავტომობილო სამსახურის უფროსად.

1974 წელს გახდა ამიერკავკასიის სამხედრო ოლქის საავტომობილო სამსახურის უფროსი ოფიცერი მომარაგების დარგში. 1975–1976 წლებში იყო ამიერკავკასიის სამხედრო ოლქის სამხედრო ავტოინსპექციის უფროსი; 1976–1978 წლებში ამიერკავკასიის სამხედრო ოლქის ავტოინსპექციის უფროსი ინსპექტორი; 1978–1986 წლებში ამიერკავკასიის სამხედრო ოლქის საავტომობილო სამსახურის უფროსის მოადგილე. 1986 წელს დაინიშნა ამიერკავკასიის სამხედრო ოლქის საავტომობილო სამსახურის უფროსად. 1992 წელს დაინიშნა ამიერკავკასიაში რუსეთის ჯარების ჯგუფის სარდლის მოადგილედ შეიარაღების დარგში.

1992-1994 წლებში იყო ამიერკავკასიის სამხედრო ოლქის ჯარების სარდლის მოადგილე; 1994 წლის 17 აპრილიდან 1998 წლის 28 აპრილამდე საქართველოს რესპუბლიკის თავდაცვის მინისტრი.

ჯილდოები

• საპატიო ნიშანი
• წითელი ვარსკვლავის ორდენი
• ორდენი „სსრ კავშირის შეიარაღებულ ძალებში სამშობლოს სამსახურისათვის“ (III ხარისხი)
• მედალი „სსრ კავშირის შეიარაღებულ ძალთა ვეტერანი“
• მედალი „შრომითი წარჩინებისათვის“
• საიუბილეო მედალი „სსრ კავშირის შეიარაღებულ ძალთა 50 წელი“
• საიუბილეო მედალი „სსრ კავშირის შეიარაღებულ ძალთა 60 წელი“
• საიუბილეო მედალი „სსრ კავშირის შეიარაღებულ ძალთა 70 წელი“
• მედალი „უმწიკვლო სამსახურისათვის“ (I ხარისხი)
• მედალი „უმწიკვლო სამსახურისათვის“ (II ხარისხი)
• მედალი „უმწიკვლო სამსახურისათვის“ (III ხარისხი)

ლიტერატურა

• ქართული სამხედრო ენციკლოპედიური ლექსიკონი, გვ. 276, თბ., 2017 წელი
• გოგიტიძე, მ., ბეჟიტაშვილი, გ., „სამხედრო ფიცის ერთგულნი“, თბილისი, 2015. — გვ. 114-115, ISBN 978-9941-0-7386-1.

რესურსები ინტერნეტში

• შეგიძლიათ იხილოთ მედიაფაილები თემაზე „ვარდიკო ნადიბაიძე“ ვიკისაწყობში.
• ვარდიკო ნადიბაიძე — საქართველოს ბიოგრაფიული ლექსიკონი
• ვარდიკო ნადიბაიძე — ბიბლიოვიკი