ვალენტინ შერპილოვი

ვალენტინ შერპილოვი (დ. 25 აგვისტო, 1911, თბილისი — გ. 22 ივლისი, 1974, იქვე) — ქართველი მხატვარი, საქართველოს დამსახურებული მასწავლებელი (1961), საქართველოს ხელოვნების დამსახურებული მოღვაწე (1962),

დაიბადა თბილისში. 1932-1939 წლებში სწავლობდა თბილისის ნატიფი ხელოვნების სახელმწიფო აკადემიაში ჯერ სკულპტურის, შემდეგ კი ფერწერის ფაკულტეტზე, დავით კაკაბაძის ხელმძღვანელობით. სწავლის დასრულების შემდეგ აკადემიაში მუშაობდა მოსე თოიძის ასისტენტად, მოგვიანებით კი თავად ასწავლიდა. 1960-იანი წლებიდან ინკრუსტირების ტექნიკით მუშაობდა.

ლიტერატურა

• ქართული საბჭოთა ენციკლოპედია, ტ. 10, თბ., 1986. — გვ. 720.

რესურსები ინტერნეტში

• ვალენტინ შერპილოვი — საქართველოს ბიოგრაფიული ლექსიკონი